نحنا نشرنا الحرف … وخلقنا الثقافات

كلنا منفتخر إنو نحنا يللي علمنا العالم الحكي والتواصل و نشرنا الحرف بالدني كلها وهلق مرة جديدة عم ننشر ثقافة جديدة … ثقافة توليع الدواليب

صرنا ولأي سبب أو لو شو ما بيصير مننزل عالشارع  منكبلنا دولابين شوية بانزين ونعطين شعلة …قبولة وأركيلة ومنعطل البلد

وعَ رَيت إخر النهفات المتداولة : إنو إذا الوحد إمو عملت مجدرا وهوي مش على بالو بينزل يولع دولاب

هيدي الثقافة الجديدة يللي رح يفتخرو فيا ولادنا … هيدي الثقافة يللي بتخلي بلدنا كل ما ثقدم شوي يرجع لورا أكتر وأكتر هيدي الثقافة يللي بتنتشر بسما لبنان … وبتغلغل براوينا

هيك منكون طبقنا القول بالفعل وصارت الثقافة بتجري بدمنا نحنا شعب منتنشق ثقافة … ولك يا بشر هودي البانزينات يللي عم بتكبوون عالدولاب عبون بسيارتكن وتعرفوا على بلدكن

ولك سودتولنا وجنا …من الدخنة يللي متلاية الدنة كلها و حرقتوا سلافنا مع كل دولاب …. على كل الأحوال أنا عم إكتب حتى هنيكن بالإصدار الجديد لموسعة جديدة من

الطوابع البريدية يللي بتحمل بدل الأرزة دولاب ومطرح قلعة جبيل دولاب …… إذا هيدا يللي بشرفكن تعملو بكل أول موسم صيف وسياحة مبروك … والله يخليكن بهالهمة

ميلاد.ع. عيسى

http://www.facebook.com/miled.issa