شطوف مدخل البيت

مبارح وبمشهد مش جديد علينا، مشهد ردنا لأيام الاحتلال السوري للبنان ولما كنا نطالب بالحرية كنا نتحمم بخراطيم المي… لأنو بوقتا الطبقة الفاسدة كانت مستفيدة من الوجود السوري أما اليوم حضرتن مستفيدين من الزبالة يللي طالعا ريحتا لأنا عم بتغطي ع ريحتن النتنة. بدي إحكيك جوز كلام يا سيدنا و يا وطن، دخلك فسرلي  ع مين عم تتمرجل ع يللي عم بيطالب إنا تنشال الزبالة عن مدخل بيتك لأنو إمك صار معا ربو، وإبنك صار منخور متل المنخل من ورا عقصات البرغش … ليك بعدين هيدي يللي رفعتا عليا العصا وضربتا مش هي ذاتا يللي كان بدك تاخد رقما لما كنت برات الخدمة؟؟؟  حسوب صحبتك مطرحا  كانت حسبت الله ما خلقك وكبتلك صابون حتى تزحط عالمايات يللي كنت مبسوط بخالك وعم بترشا عالشباب. ولك يللي مش عم بفهموا إنو إنت مش زاعجتك هالزبالة؟ حتى عم بتدافع عنا، أنا محلك كنت دورت الآلية ورحت شطفت مدخل البناية وشلت الزبالة عن مفرق الشارع يللي ساكن فيه  عالقليلة كنت ترضت عليك المات بدل ما تسبك وتشتمك البنات . بالأملية يا قائد الجيش ، وقواد الأجهزة الأمنية بعرف إنو حالكن مش أحسن من حال الشعب (وأكيد عم بتوجه للشرفا) يللا هموا بقا مشو تا نمشي وراكن ونشيل هالعفونة من الصحاحير ونفضي هالمستوعبات من الزبالة يللي فيا. #مستمرون ، #طلعت-ريحتكم

11888607_1628055577456557_3078084775882819851_o

11879106_1628055570789891_2649256497256735854_o

الصور من صفحة طلعت ريحتكم يللي بطلب من الكل يعملولا لايك ويشاركو بنشاطاتها وبشدد ع هالنقطقة لأنو خلص وقت النق وصار وقت بواب الحرية ندق

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s