نحنا… اليوم عيدنا

يللي بدمي مش حب للزمور و البدلة والسيارة متل ما إنت بتفكر يا حبوب
يللي بدمي بيتسمى نخوة وإندفاع
يللي بدمي رجولية وشجاعة
يللي بدمي رسالة  وعليي وصلها بكل أمانة وصدق ومحبة لكل العالم
إيه للكل يعني للكل ليلي ع دين محمد (ص) و ع دين عيسى (ص) للأبيض والأسود ولأبن البلد ويللي مقيم في
كتار يللي بيقولقوا عنا زعران … ولما تسألن ليش؟؟؟ ما عندن جواب يمكن… ممكن لأن واجبنا بيفرض علينا جسم قوي حتى نقدر نجابه عدو ما منعرف بأي لحظة بيلف علينا وبيطعنا بضهرنا … والفقة التاني يللي شغلن الشاغل  ينشرو خبار إنو دايماً منوصل متأخرين بس نسيوا إنو لما سمعوا الزمور قرروا ما يزيحوا من طريقنا حتى نوصل بالوقت ع مهمتنا … هيدا كلو هيّن قدام المدام يللي بتتصل فيك وبعدا بتتصل بالراديو أو بالتلفيزيون وبتنشر حريمك لأنو ما كنت عندا بس سكرت الخط … بس يا مدام نحنا بمهمة وعددنا عم بيقل ليش ما بتخلي إبنك يتطوع معنا ؟؟؟؟ فبتقرط الجواب اللقيم … يهههه إبني أنااااا نو نو نو  يسلملي ما بقدر إتحمل الفكرة … إنو إيه أنا لقيط ع أساس أو إمي مش سقلاني عني … والله شي بضحك-ببكي

اليوم عيد كل شهيد خنقتوا إيد الدخان الأسود
عيد كل شهيد حرقتوا لسانات العالم قبل لسانات النار
عيد كل خياتي وإخواتي بكل مركز دفاع مدني
عيد الأنسان يللي دايماً حد كل واحد وحياتوا لكل متر من طراب لبنان
عيد يللي بغار ع بيتك كأنو بيتو
يللي بخاف ع ولادك كأنو ولادو
وبيحملك ع زندوا كأنك بيو

بالأملية خلينا نهتم ليللي بيهتم فينا وننسى كل يللي ملزقين عالفاضي فينا. خلينا نتمنى الصحة والإستمرار و نطلب من الله يحمي هالمتطوعين يللي مش بحاجة إلا لهلدعوة.

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s