دولة لمين…؟

لبدّي إحكي اليوم مش جديد، أكيد في ناس حكيوا قبلي بس للصوت يوصل لازم نضل نحكي و ما نيأس حتى يجي نهار و صوتنا يوصل . ما في تغيير بالعالم صار بليلة و ضحاها،التغيير هو نتيجة تراكم فكري و ثفافي و اجتماعي يتقاطع مع لحظة تاريخية معينّة بعد ما وصلنالا  بلبنان بس أكيد رح يجي اليوم و تحين هل اللحظة و ساعتا ما فينا ما نكون حاضرين و جاهزين لأنو بتطلع براسنا. عنوان مقالتي:”دولة لمين”سؤال عم فكّر في صرلي فترة و عم جرّب لاقي جواب بس صراحة عجزت، فبركي حدا بيقدر يساعدني

من يومين توفّي الملك السعودي رحمه الله الملك عبدالله بن عبد العزيز طلع قرار حكومي بإعلان الحداد ثلاثة ايام  قرار مش غلط ما عم دينو المملكة العربية السعودية إلا فضل على لبنان ان كان مادّيًا او معنويأ بس لنكون واضحين الدعم السعودي ما كان مجّاني المملكة كثبت نفوذ إلا بلبنان و كانت لاعب أقليمي اساسي بأي قرار سياسي بيتّاخد بس في ناس قدّموا للبنان اكتربكتير من االمملكة العربية السعودية و استكترت الدولة علين يوم حداد واحد.منصور و صباح و وديع  و غيرن من شهداء الجيش عطوا لبنان كل شي عندن بلا مقابل، كانوا سفرا حملوا اسموا بكل دول العالم ما كلفوا الدولة قرش و لا طالبوا بنفوذ لك الحكمة استكترتا  الدولة عليّن

سمير كساب صحافي لبناني انخطف عإيد داعش اثناء القيام بعملوا بسوريا حدا سامع بهالإسم؟ حدا ذاكر هالإسم؟ اليوم الدولة عم تفاوض لإسترجاع الجنود اللبنانيين المخطوفين و السؤال هون سمير كساب مش لبناني؟ هل لازم أهلوا يسكروا طرقات و يحرقوا دواليب لا يعرفوا مصيرو؟ جوزيف صادر انخطف عأرض لبنانية و انخطف من بعدو العشرات ليش لهلأ ما نعرف وينو؟ ليش في ناس بسمنة و ناس بزيت؟ ليش في ناس رجعوا لأهلن ب 24 ساعة و ناس أهلن ممنوع يجيبو سيرتن حتى الإعلام  و الرأي العام حطن عرفوف النسيان

من كم يوم صارت جريمة بشعة بكفرذبيان، جريمة بعدا لليوم شاغلة الرأي العام و عاملة ضجّة على مواقع التواصل الإجتماعي، قيل انو مرتكب الجريمة مدعوم و ما حدا بطالو فجأة الكل شال إيدو عنوا و نجاب ب 48 ساعة و صار موقوف بالقضية شي 13 شخص بس  لرتكبوا جريمة بتدعي بعدن لليوم هربانين بالعلن ما حدا حاميّن بس أكيد من تحت الطاولة مدعومين و مكترين. وين فرع المعلومات وين مخابرات الجيش؟  شربل خليل انكمش من ورا داتا الإتصالات بدكن تإنعوني انو لتركبوا جريمة بتدعي عم يتواصلوا بالحمام الزاجل؟

الفساد، اليوم عاملين حملة لمكافحة الفساد، سجن رومية طلع هوي مصدر كل فساد بالدولة اللبنانية و حلنا الظباط على التحقيق بتهم الرشاوي و تسهيل دخول ممنوعات الخ بس دخلكن 60 ميليار دولار دين ما شفنا حدا انكمش؟ وزراء بشرشحوا بعضن عالهوا بالوثائق و الأدلة ما شفنا نيابة عامة تحركت. حتى بموضوع الأمن الغذائي نحنا منهني الوزير ابو فاعور علّي عم يعملوا و يعطي الف عافية بس كل المحلات لتسكّرت ما شفنا مقابيلا ولا تاجر توقف طيب هالمحلات من وين عم تجيب بضاعتا؟ و هل البضاعة كيف عم تفوت علبنان؟ مين عم يفوّتا؟ التوتر العالي بالمنصورية وين صار؟ ليش اختفى الملف من التداول بعد ما صار اللبنانية عم يكوبسو في؟ معقول الدولة لما تعمل مشروع بكلف 4 او 5 مليون دولار بتشتري اراضي و بتهجر منطفة بكاملا بس لأنو المشروع المعروض من الأهالي مش عمزاجا؟

سلسلة الرتب و الرواتب؟ قانون الإنتخابات؟ الكهرباء؟ تسليح الجيش؟ ملف النفايات؟ أسئلة ما بتخلص بس الجواب مبهم او بالأحرى الجواب نسبي حسب لعم بجاوب لأي فئة سياسية بينتمي. رسالتي هون موجهة بشكل أساسي للمسؤولين لنصّبوا حالن أوصياء علينا: الحياة أخد و عطا صرتوا آخدين كتير متل ما بقولوا أكلتوا البيضة و التقشيرة معليه ضحوا نتفي و عطوا هالشعب و لونّوا كسرة خبز. و امنيتي من اللبنانيين و انا واحد منّن ما مات حق ورا مطالب ما بقى مسموح تتنازلوا و تتساهلوا بحقوقن، مش مسموح بقى هيدا الخنوع و الخضوع حقوقنا مش منّة من حدا و ما حدا يربحنا منيّة بأي عمل بيعملوا لأنوا قابضين حقّوا سلف من دمنا و اعصابنا و جيابنا. بانتظار اللحظة التاريخية للتغيير، يوم لبيرجع الحق لصحابو لازم نضل نحكي و نعلّي الصوت فلا بدّ ان يستجيب القدر

روي غ عبدالله

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s