وهيدا تاكسي دبي

 

شي من ما شي

 

ايه معكن حق ما تصدقوا لأنو هيدا الشي ما بيتصدق … التاكسي بدبي صار لامبورغيني، فيراري، رولز رويس

رزق الله ع ايام المرسيديس اللف … والـ ١٩٠ لما كنا نطلع ٣ ورا وتنين قدام وياخد المشوار من الضبية للدورة شي ساعة … يمكن شوفور هالتاكسي تحقق حلمن وساقوا سيارات احلامن بس بيبقى السوقال قديش رح يكون سعر التوصيلة… حضرت المعالي مش عم بطلب منك ذات الشي … أكيد بس عم بطلب منك تنظملنا النقل العام بلبنان لأنو مع حق البانزين وعجقة السير صار بدنا جانح طير يوصلنا … وبهالحالة بدانا نقل عام يشيلنا … ويمكن من هلق لشي سنتين زمان إذا ضل الوضع هيك … بينتخبونا أفضل بلد صديق للبيئة لانو رح نصير نروح ونجي عالبيسيكلات وما تفهموني غلط … هيدا شي منيح يعني بالشرف تخايل عندك عشا إنت والمدام بالداون تاون …إنت ع بيسيكلات الزرقا وهي حدك عالزهر … بتوصل .. بيجي الفاليه بجحشلك البيسيكلات … وتفضل إستاذ …هون إنت بتمشي ومريح راسك إنو مش ناسي شي بالتابلو يلطشك ياه شب الفاليه … بتخلص السهرة وبتتصل بالتاكسي بيوصل بالبيسيكلات قفورة دوبل …بيوصلك بأمان احسن ما تطبلك بشي ريغار سارقينلوا غطها بياعين الحديد… وهيدا الوضع مضحك يمكن بس مبكي … صار لازملنا تحسين قصص كتيرة … والنقل العام وحدة منا

 

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s