الـ مصلح إلو تلتين القتلة

https://www.facebook.com/MoslehSarieddine

ما في متل غلط … مصلح قرر يصلّح الوضع طلعت القتلة براسو، قرر يحكي بإسم كل واحد فينا قرر يقول يللي كلنا كل يوم منقولوا بس هالمرة قالو وعلّى السقف … لأنو بالنسبة إلو عم نخصر أهم شي عنا بلدنا يعني بطل في شي مهم نخصروا، مش أول مرة هيدا الشب بيحكي وبعلي الصوت … بس هالمرة على الصوت وعلّى راسو بوج يللي عم ياكل روس جبالنا … بس خلص صار الوقت إنو الوزير والنايب والرئيس وكل مين مفكر إنو هو الحاكم وهو السلطة يفهم إنو في ببلدنا عالم ما بتنجر متل الغنم، وإنو مش كل العالم بتنساق بنفس العصا … يا معاليك إذا شاري كم صوت واطي وحقير مابيعني إنك إشتريت الوطن مصلح سري الدين وغيرنا كتار لا إنت ولا غيرك إلكن علينا شي. ليش ؟؟؟ لأنو نحنا شباب اليوم، شباب ما منبيع صوتنا لا بقضامي ولا الماس … صوتنا وحبنا للبنان أعلى من الجبال يللي كساراتك حولتها لوديان ولأنو قهرنا وحبنا لبلد الاديان السماوية والارز والفينيقية  أكبر بكتير من حبكن لجيبتكن الوسخة ولو كانت من أهم الماركات … يللي مش فاهمو ولا عم بقدر إفهمو إنو كيف زلمي بيضرب حدا ما بينحبس والتاني استعمل كلمة بمعنى مجازي  بيتوقف … إنو وين المنطق وين الفهم وين العدل، وحياة معاليكن عالغالي إنو إنتو من دون الشعب منكن معالي
يعني إذا  خلقتوا عالكرسي بظن صار الوقت نسحبا من تحت طيزكن بركي إذا طبشتوا عالارض بتوعوا … مصلح سري الدين اليوم موقوف بكرا غيرو وغيرو وغيرو  بالأملية … يللي بعد عندو زرة عنفوان لبناني جواتو اليوم بيطلق مصلح وبيصدر مذكرة توقيف بالـ ١٢٨ والـ ٣٦  ومن يمثلون  لأنتهاكن حقوق اللبنانية  وما حدا غيرك يا  جنرال  قادر يعملا وبعني بالجنرال قائد الجيش جان قهوجي…. ما حدا يفهم غير حدا

بالمناسبة، أنا ما عم بكتب عن مصلح سري الدين لأني بعرفو … أنا متلي متلكن بعرفوا من ورا الشاشة لا أكتر ولا أقل

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s