أشكمان بـ دبي

1899929_10154783310145360_789217701266478190_n

https://www.facebook.com/ASHEKMAN?ref=br_tf مصدر الصورة

من فترة كنت مارق بشارع الإتحاد جميرا بدبي ولفتلي نظري هالحيط يللي طولو تقريباً شي ٣٠٠ متر … وإحساسي قلي إنو
هيدا الفن مش غريب عني … وطلع للأخوين قباني المعروفين بأشكمان … للصراحة مش بس الديزاين يللي شدني  بس  قديش هالشعب بحب بلدو وحكاموا … معكن حق لأنو عملولن بلد الكل عم يطلع يتشبه فيا … أو يعيش فيا … بلد في الفيليبيني واللبناني والسوري والهندي والمصري الباكستاني الإنجليزي  الأمركاني…. ومش رح عد 202 جنسية الموجودة في …. كلن عايشن سوا والاهم بإحترام … العالم بتحترم بعضا … بتحترم القانون وبتحترم الانسان كإنسان
وليك يا أخي الإحترم لبلدك بخلي يصيرعندك بلد … لليوم ما شفت إنسان إحترم لبنان لا بلبنان ولا بالمهجر … نحنا شعب بدنا ناخد بلا ما نعطي …. ما تواخذوني يمكن شردت عن الموضوع بس يللي بدي قولوا إنو هودي الشباب متل كتار غيرن عم يرفعوا اسم لبنان ببلدان الإغتراب … بالوقت يللي  معلق الظمور ع اشارة المكلس عم بينزعو ، ويللي عم يحرق دواليب لأنو ما قبض معاشو عم يسود وج لبنان …. ويللي عم ياكل كستنا ويكب من الشباك، ويللي مش حاطط حزام الامان، ويللي بيكسر عليك ويللي  ويللي ويللي….
بنهاية الحديث اشكمان ويل دان، بدانا شباب لبناني يبيض الوج … مش لأنو زندو كبير أو سلاحو ع خصرو بس لأنو مبدع خلوق محترم حالو ومحّتَرَم

وليلي ما بيعرف شعار الإمارات : عيشي بلادي  … عاش اتحاد إماراتنا
…بالأملية شوفوا هالـ ٥ كلمات شو فين معنى … وفكروا بينكن وبين حالكن حدا فيكن قال يعيش لبنان شي يوم … ولا دايماً شو هالبلد

بدكن تشوفوا أعمال أشكمان … كليك أون ذي بيك (كبوس عالصورة

Advertisements

4 Comments Add yours

  1. TAC says:

    ما بعرف ليش في شي بالبوست زعجني

    يمكن كيف بتقطع جملة “كلن عايشن سوا والاهم بإحترام … العالم بتحترم بعضا …” إنت و عم تحكي عن دبي و نحن منعرف إن إذا في بلد عنصري أكثر من لبنان تجاه العمّال الأجانب (خاصة الآسياويين ) هو دبي.

    أو كيف حطيت بنفس المقام يلّي عم يعترض إنّو ما قبض معاشه ( لأن إعتراضه لو محق مش كلاسّ كفاية ) بنفس المقام مثل يلّي “يللي عم ياكل كستنا ويكب من الشباك” بدون سبب

    في كتير إشياء عاطلة بالبلد. كتير كتير. بسّ المقاربة خلتني حسّ انّ المهم النقّ. عن حق، عن باطل مش مشكل المهم نقّينا. غريب، ما كنت حسّ انّ هيدا إسلوبك.

  2. miroy says:

    وجهة نظر وبحترمها … بس وقتا ذكرت إنو العالم عايشة مع بعضا حكيت عن العالم مش عن البلد ، وبالنسبة لقصة الدولاب المحروق أو الكستنا أو غيرا أو غيرا عم بحكي عنّا نحنا كيف صارين نحنا يللي عم نخرب بلدنا بإيدنا … أنا المعروف عني إني مش من جماعة النقيقة بس ما بعرف ليش إنفهمت معك بهالطريقة بس نها يللي بنق بكون عم عن من وج حرقت قلب ع وطني يللي عم ينزف …بتمنى علىك تفقرا المقال من جديد وأنا اكيد إنو رح توصلك الرسالة بشكل أفضل
    شكراً ع رأيك الصريح …

  3. TAC says:

    يمكن أَنا رَكَزت عَل قَليل السَلبي و تناسيت الكثير الإِيجابّي. بعتذر

  4. miroy says:

    لا داعي للإعتذار …. هذا رأي اعتز بسماعه

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s