أبي مخطوف

يمكن قلال يللي بيعرفوا خباري الشخصية، بس بيوم من الأيام ولما نخان الجيش اللبناني بيي كان من بين الشباب يللي إنخطفوا واليوم الجيش عم ينخان مرة تاني …  بيي وأصحابوا نخانوا من السياسي، عانوا، تعذبوا، إنهانوا، سلاح العدو بعدوا معلم ع جسمن، وأخذ كتير حتى بطل معلم بنفسيتن، الحمدلله اليوم  بيي معنا رجع ويللي رجعوا معو راسن مرفوع ويللي ماتوا، إستشهدوا بدون إذلال وكانوا يقولوا لبعضن يللي بيموت قبل التاني يخبر أهلو إنو مات وحامل الأرزة بقلبو شرفو ع  جبينو وكرامتو ع كتافوا …  بس اليوم المعادلة مختلفة  كل مخطوف مع داعش عم ينخان من وطنوا ومن شعبوا والاضرب من هيدا كله إنو عيلته القريبة عم بتخونو … وكأنو أول خيانة يللي وصلتن لهون ما بتكفي.
اليوم إذا رجع من الإعتقال وين كرامته لمن بيّو خوّن الدولة لأنها محافظة ع كرامة إبنو ورافضة تقايضوا بسجين …  وخيو بايع داعش … و،و،و،و ….

إي بعرف كتير منيح رح تقولولي ما بتعرف قيمتها… ومنك بَي… والجمرة ما بتحرق إلا محلها …. إي معكن حق … بس متل ما قلتلكن بالأول أنا دقت اللوعة ولليوم بعد في عيلة ١٧٠٠٠ جيشي ومدني عم بيدوقوا اللوعة …لانن بعدن أسرى والله وحده بيعرف شو صار فيين بعد كل هالإيام …

هودي الـ ١٧٠٠٠ حالتن مختلفة عن حالة المخطوفين اليوم ويمكن إنخانوا أكتر من مرة، الأولي لمن وقعوا بالأسر والتانية لما رجع الجنرال من المنفى … بس عالقليلة أهلن ما خانون بتسألوني كيف ؟ رح خبركن… هودي الـ١٧٠٠٠ لليوم ما حدا طالب فين متل ما لازم  ولما إنخطفوا كانت الدني حرب، أهلن ما سكروا الطرقات وأيدوا جيش السوري وتهجموا ع بلدن وشعبه …. أهلن ما قبلوا يفاوضون ولادن بمجرمين عملوا يللي ما بينعمل بمخيم نهر البارد …. ما قبلوا يوطولن قيمتن، ويهينولن كرامتن. لأنو ومتل ما قلي بيي لما غمرتوا وشديت وصرخ آخخخ .. من جرح خنجر العدو يللي بعدو ما شفي   الجندي اللبناني يللي رايح عالجيش بعقيدة حبو للوطن ومش حتى يضمن وظيفة وتقاعد ما بيرضى ينكّس راسو إلا لربه ودمو ما بغلى على وطنو .

بالأملية، خلوا لكرامة هالشباب مطرح … وما تسمعوا ليلي بيوم من الايام خان بيي واليوم عم بيخون أهلي

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s