مشوار من المطار….

بعد ٣ساعات و٥ دقايق وصلنا ع بيروت … بس نزلت من الطيارة  وشفت العجقة بالمطار فرحت قد الدني لأنو لو شو  ما كان جنسيتن يللي جايين على لبنان ولو شو ما كان  السبب إلا ما يرصفولن كم ليرة – مش عم بحكي عن اللبنانية-  النظام بالمطار روعة الكل واقف بالصف  ناطر دورو الموظفين معاملتن ولا أحلا من هيك …. خلصّت الشنط ووصلت لبرا وهونيك الفوضى عجقة تاكسيات أشكال الوان شي بروس شي بلا روس  بيصير بدك تهرب منن قبل ما يقشطوك الشنطة… قول الحمد لله  إنو زمطنا  وإنطلقنا وكل شوي لاقي شي مخالفة من هون فوضى من هون…. خبصة من هون … وصرت فكر بيني وبين حالي إنو إذا أنا تفاجأت هالقد بعد غيبة ٦ اشهر عن البلد شو حال هالعالم (السياح) يللي ناطرين بالمطار شو رح يكون وضعن…. والله كل هالمخالفات يللي شفتا ما خص الدولة فيها… إنو إذا واحد قرر إنو يفوت من الشمال لليمين ضربة وحدة شو ذنبها الدولة؟؟؟ … إو هيداك يللي ما بيستعمل الإشارة …. ولا هيدا الفضحل يللي مفكر حالو جوردن كب كيس الزبالة من السيارة  فكرو يصيب المستوعب هوي وسايق ما هوي مش مستوعب إنو ممكن يكون في سايح بعدو واصل من المطار وبالسيارة يللي وراه  ويشوف هالمشهد المشرف  شو بدو يقول عنّا؟؟؟… وبعد ٣ونص من المشاهد يللي بتوقّف شعر الراس وصلنا عالبيت …  صدقوني بعد ٣ ساعات ونص والأحلى إنو البيت لا بالشمال ولا بالبقاع البيت ب جاج- جبيل  وإيه أخدت الطريق ٣ ساعات ونص حتى وصلنا ليش ؟؟؟
بالأملية سأل حالك كيف بتسوق سيارتك بلبنان؟ وجاوبني

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s