… الفراغ

إذا قلتلك فراغ  كلمة ما بتعنيلك شي … هيدا إذا كنت عم قولا لحدا غير لبناني
بس بالنسبة للبناني هيدي الكلمة لازم ترعبو لأنو صارو شهرين وما في رئيس للجمهورية … وما حدا سقلان الكل عم بيفتش ع بيّو لعباس …. هوي خطر قومي إذا تركنا فلتان رح ينشر حالة فوضا بالبلد والإرهابي بيتظاهر كرمالو كم مسلح (رصاصيتو كبار)  منطلق سراحوا ع اساس هودي المتفجرات يللي جايبن معو جايبن كرمال يفرقع لعيد مار شربل و مار الياس الاحلى من هيدا كلو إنو البلد ماشي تمام  بالنسبي للسرقة والامان إيه والله هي ما وقفت ع الرئيس حتى يوقّفوا السرقات أو بقلك شي يمكن هيدا البلد هيك بيمشي بلا رئيس … والشعب آخر همو فراغ مش فراغ مش فاضي همو يقدر يطلع مصاري حتى ياكل … شو رأيك سعاتها خلينا نغيّر التركيبة نشيل كل شي إسمو كراسي ومناصب ومنوظف كم شخص ذو خبرات يخلصو الاشغال ومنفتح مجلس النواب قهوة قزار … هيك بركي بترجع الحركة ع وسط المدينة …. ومجلس الوزراء بيتحول لشي جامعة مدرسة أو حتى مكاتب … وقصر بعبدا متحف نزوروا مع ولادنا نعّرفن ع رجالات مرقت ع لبنان  وبركي السرايا الكبير بيصير أوتيل ٥ نجوم  أو حتى اكتر بقدّم خدمات عالية الجودة للسياح يللي جايين يزوروا سويسرا الشرق (هيك بيقولوا) … ومنخلي بين كل شخص والتاني موظف بالقوى الامنية  والجيش  وهيك الامن بيسيطّر اصلا بيناتنا بلا زبزبات رجال السياسية نحنا اللبنانية ما في أهنا منا بشر ومنحب الكيف والجخ والحياة …

يا جماعة الفراغ مخيف … مرعب … إرهابي … الوصف يللي بدكن وصفوا الفراغ … بس كل واحد منكن يتخايل حالو عايش وحيد …بلا يللي بحبن ولا أهل ولا أصحاب … وحدتو بتقتلو وهيدا البلد هيك الفراغ هو القاتل … هو مسبب الإنتحار … هوي الموجع … هوي نزيف من الشريان الرئيسي … هوي الغرغرينا الخبيثة  يللي بس تبين بيكون تأخر الوقت كتير إنّا نداوي الجرح …. هلق بعرف إنو الجمرة ما بتحرق إلا محلا والهيقة ما حدا حاسس بالحرق إلا نحنا يللي مش مع هيدا ولا هيداك … بالأملية يا جماعة التبعية  إذا بتعتبروا إنكن زلم فلان وعلتان وهني ما بيخزلوكن  وصلولن هالحديث بركي بحسّو بوجعكن ووجعنا … وإذا تبيّن معكن إنو مش قادرين توصلولن الحكي لأنو ما حدا بيهمو صوتكن إلا  بفرد بوم …. فكروا بينكن وبين حالكن إنو لشو بعدكن لاحقينن … وأهلا وسهلا فيكن بين زلم لبنان يللي ما بدن شي إلا بلد بس تسمع عنو ما يكون عزو مربوط بصيغة الماضي

 

https://www.facebook.com/BilAmaliyeh

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s