لبنان أحلى…سياحة أحلى

 هالمّرة ما بديّ إحكي سياسي لأنّو صراحا بطّل إلي خلق، كل يوم نفس الحديث عن نفس الأشخاص عن نفس المشاكل والنتيجة  ذاتا  سَمّة بدن عالفاضي اليوم بدّي إحكي سياحة، لأنّو بالأول هيدا لعم إدرسو بالجامعة و تانيًا  لأنّو هيدا الشريان الأساسي لضخ المال ع خزينة الدّولة و جيوب ألاف العائلات اللبنانية

بأول سنة لفتتني مادة عن السياحة العالمية، ولفتني أكتر أسامي بعض الدّول وأعداد السواح لبيدخلوا أراضيا كل سنة. مش غريب انو تكون فرنسا و اسبانيا و ايطاليا و تركيا من بين هالدول بس لي صدمني لما شفت سريلنكا و ماليزيا و تايلند و الهند بيناتن بمعدّل 20 لـ 30 مليون سايح بالسنة أرقام مخيفة، تخايلوا المردود السياحي على الحياة الإقتصادية و الإجتماعية و الإنمائية، هون سألت حالي سؤال على أي أساس نحنا مصنفين حالنا دولة سياحية؟ أدّي عدد السواح لبزوروا لبنان كل سنة؟ شو عم نأدّملن؟ أسئلة ما بتخلص بس السؤال لِفرض حالو كان ليش عم تتراجع السياحة عناّ؟

أهين جواب بالنسبة للبناني و حتى للمستثمرين بهيدا القطاع هوي الوضع الأمني بالبلد و المشاكل السياسية وهيدا جزء من الحقيقة بس لِكتَشَفتوا ولاحظتوا انّو السبب الأهم و المؤثر أكتر هوي غياب خطة سياحية وعدم وجود رؤية سياحية. بالمفهوم اللبناني السايح هوي لجايي يسهر فصارت مناطقنا كلّا مطاعم وحانات وكباريات هيدا جزء من عوامل جذب السياح بس مش كل السياح. نحنا زركنا حالنا بخانة وحدة من السياحة توجهنا لفئة معينّة من السواح ولهني بشكل عام السواح الخليجية وهملنا السواح الباقيين.

اليوم تطور مفهوم السياحة العالمي بطّل بس محصور بزيارة المواقع الأثرية او السهر صار في عنا سياحة رياضية و سياحة طبيعية وصاروا السواح يهتموا أكتر لثقافة وتقاليد البلد لعم يزوروا. شوعم نعمل كلبنانيّي لنواكب هالتّطور؟ ما بتصّور الأوروبي او الأميركي كتير بهمّن النايتات بلبنان انّو عندن أجمل، بالنهاية هنّي ارباب هالقصص بس أكيد بهمّن يشوفوا بعلبك او يزوروا المتحف الوطني و يشوفوا الأرز و وادي قّنوبين. ما حلنا نعرف انّو العالم إرفت من بيروت؟ بدا تتعرف عمناطق جديدة، مناطق رايقة و هادية. كم لبناني كل سنة بسافروا و بسوحوا ما لاحظوا انّو كل دول العالم بتركز و بشتغل لتبرز تقاليدا وعاداتا؟ وين لبنان من هالنقطة؟ السايح ما بدّوا يشوف الجينز او حتى يمكن ما بدّو يلبسوا بدّوا يشوف الشروال و يرقص دبكة و يغنّي عتابا و ميجنا. انّو ما عم بفهم منعمل مهرجان منجيب علي فنانين أجانب طيب ما كان في هالسايح يحضر هالفنان ببلادوا ليش بدّوا يجي علبنان ليحضرو؟

السياحة بلبنان صارت روتين، يمكن بيجي السايح مرّة بس ما في شي يشجعوا ليجي مرّة تانية، بدنا سياحة دايمة و مستدامة علينا اليوم نخلق افاق جديدة لجذب السياح يمكن عبر نشاطات رياضية يمكن عبر اعمار وتجهيز القرى النائية، الإهتمام بالمواقع الأثرية والحفاظ عليها وعلى نظافتها،بناء مشاريع خلاّقة تبعد الملل عن السايح. برجع بقول مش ناقصنا شي، عنّا القدرات البشرية و المادية و التسويقة و الطبيعية لازم نستفيد منّا و اليوم لازم أكتر من اي وقت مضى انشاء حزب سياحي لا يتعاطى غير الشأن السياحي ووضع برامج و خطط للنهوض بهالقطاع بالتنسيق مع وزارة السياحة. لبنان أحلى دولة بالعالم حرام ما نعرف نستفيد من نقطة قوتنا، السياحة بترول  لبنان بس إذا ما استخرجناه ما إلو قيمة

روي غازي عبدالله

Advertisements

2 Comments Add yours

  1. chalhoubbb says:

    حزب لبناني للسياحة مش غلط ابداً وبهنيك ع هالفكرة …. بس نسيت تذكر إنو قبل كل هودي بدك شعب يحترم القانون ويكون مسالم … مش ينادي للسايح وبس يجي … بينهبو وبرهبو ….

    1. miroy says:

      للأسف كلامك ١٠٠٪ صحيح

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s