عن شو بدي إكتب؟

on

بدي إكتب عن السواتر الترابية بشوارعنا يللي ردتنا للحرب اللبنانية ويللي كلنا شاطرين نقول تنذكر وما تنعاد بس بالحكي… أما الفعل غير هيك … هالوضع بذكرني بالمتل يللي بقول: “الحمار بيفوت بالحيط ببري” وللأشخاص لي ما فهموا يعني الحمار بفوت بالحيط مرة وحدة وما بعيدا … بس طلع ذهننا أضرب من ذهن الحمير
ولا بكتب عن الملحق يللي كل ما نسمعوا منقول خير ومنصلي إنو ما يكون حدا من قرايبنا طار بشي محشاية حاطينا لشي سياسي … إو رصاصة إنسان جاهل عم بيقوص على جارو بالشارع التاني لأنو جارو ضد يللي عم بيصير  عندن : بالبلدان المحيطة … صحيح مين بعد بيحكي برصاصة… الشبيبة  مركبين مدافع عالبلاكين وولادن بيلعبو بالرمانة بدل الطابة
والله العظيم ببلدنا في عالم راسا مليان تبن وشعير ووجودا بالحياة ضر ما نفع … وليك يا “إنسان” مش من زمان كتير تعمّر بلدنا … وليه ما من ٢٠ سنة كان جارك بالشرقية دابكها مع خيو كمان بالشرقية إنو شو يعني هلق دبت الغيرة
وقررتوا تدبكوا مع بعض … وليك يا إنسان أخدتنا فترة طويلة تتوعدنا إنو الست فيروز والست ماجدة  بتغنوا غير الأغاني الثورية والوطنية… بشرفك كون أحسن منو وفرجي إنو تحضرنا

بالأملية يا خال إذا عبالك تمارس هوايتك ؟ يا روح عالتيرو أو شفلك شي مطرح غير هالبلد … لأنو بطل فينا نتحمل نتديّن تنعمرو بعد ما تاكلك دكة إذا ما متت فيا تنعطب … ولا مفكر حالك سوبر مان ما بيأثر فيك الرصاص لاه يا حَبوب هودي الأبطال بس في منن بأفلام هولييود وبوليوود

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s