كريمة … الله يكرما

كريمة بنة لبنانية طموحها كبير وثقتا بنفسا أكبر لانها شرباني من حليب النَور تا شبعاني (هيدا تا ما نقول  شايفي بحالا لانها لبنانية)، كريمة  غزية شباكات التواصل الإجتماعي  بفيلما يللي بتخبّر في عن طموحها الكبير إنها تصير مشهورة  وتوصل ع هوليود. أنا شخصياً حبيت كاراكتير كريمة مش لأنها سيكسي وعليها دبحة عيون ما بتفهم وصدر معرم وطيز كبيرة بس لأنو شفت فيها ثقة اللبناني يللي لو شو ما كان بيضل واثق بحالو، لأنها هيدي طبيعتنا وهي طبيعية ، وبظن إنو كل نجماتنا يللي كلنا شفنا صورن قبل وبعد الشهرة ما كانو أحلا منا بكتير
أنا حبيت هالمبادرة  يللي عم بتوعي الشعب ع شي جديد مصور بطريقة إحترافية  ( أكيد فيها بعض الهفوات وهيدا يمكن من ورا البادجت المحدود للإنتاج … متل خرطوش صيد والولد عم بيقوص بالرشاش … أو الشوارب يللي مبينين فايك … ) بس بشكل عام حلو واحد يحكي الحق هيدا فيلم ما فيك ما تحضرو إلا للأخر لأنو بيطريقة أو بأخرى بيكمشك وبعالج بطريقة هزلية مهضومة وجديدة  كل الآفات يللي منعانيها بمجتمعنا اللبناني  بالأخص التطرف الجنسي ، التميّز العرقي ، وتعصّب وغيرا كتير من العقد يللي عامياتنا، وحتى يمكن عم بيضوي عالوثقة الجديدة من الصبابيا اللبنانية السكسي يللي بتقطتش وبتحكي  وبتغني لبسيناتا عاليوتيوب والأنكى من هيدا إنو ما في ولا تلفيزيون وولا مرزيعة إلا ما إستقبلتن ببرنامجها والكل زقفلا

بالمختصر المفيد برافوا شباب … وهيدا المقال المتواضع دعمة صغيرة حتى نشوف الإبيزود التاني قريباً

وهلق بالأملية  كبسوا عالينك و تعرفوا على كريمة ودعولا الله يكرما وتوصل ع هوليود
http://www.youtube.com/watch?v=Ixn7CE-qUtI

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s