انفخ فاللبن يطلعلك بوالين

صرلي زمان ما كتبت شي،كنت عم فكّر انّو إذا كتبت نقد مين رح يشوفو؟ مين رح يسمعو؟ لمين بدّي وجهو؟ ما البلد كلّو معطّل “ما تندهوا ما في حدا”، مجلس نوّاب ممدّد بدك تعزمن عزيمة لينزلوا عالجلسة هيدا إذا كان في جلسات،حكومة تصريف أعمال و وزراء شغلن الشاغل يعملولن قرشين حلوين بركي صاروا عاطلين عن العمل، والأحلى منّن كلّن رئيس مكّلف صرلو 9 شهور بعد ما عرف يشكّل حكومة والمنكة بالخبرية انو ما عم يعرف كمان يعتذر انّو محسسني خلاص لبنان بين ايديه، اي خلص بقى تمّام بيك طخّنتا يلا لا شوف غالوبس

 عنجد بلا مزح حاسس حالي عايش بمزرعة بقر، كل عجل فاتح عحسابو والمشكلة هلاء انّو صرنا عم نستورد عجول سورية كسحوا السوق، يمين يشيل العجل بخمس قروش و الحسابة بتحسب. اي  وحياة الله حسبوا الله لما خلقنا. أجارات البيوت صارت نار، إذا زلمة طلوب زودة معاش، بتروح عالكسليك لتسهر بشى مطعم بتفكّر حالك بسوق الحميدية، ولك حتى عالمدارس صار بّدك واسطة لتفوت يعني تخايلوا مدرسة رسمية بالأشرفية فيا 800 تلميذ 500 منّن سورية، لك صرنا ندرس الفرنسي بالعربي. مش غلط شو بأثّر ما بالنهاية العجل بس يكبر مصيروا يروح عالمسلخ شو بدّو بالفرنسي و بكل هالقصص. بس المشكلة انو في عجول مفكرا حالا سبيسيال على راسا ريش مش عارفين اّنو الجزّارين ما بهمّوا غير كيف بدّوا يصرّف منتوجو وبآخر النهار تكون الغلة حرزانة

انا بعتذر على هالتشبيه بس بصراحة فوّلت معي، انوا ما عم بفهم عشو عم  نقاتل بعض؟ كرمال شو؟ كرمال مين؟ ما حلنا نزهئ من هالزعما يللي عنا؟ لأصلاً لولانا في منّن قاعدين بلا شغل. انو 70 سنة نفس الأشخاص بوجنا بروح البَي بيجي الإبن بشرفكن ما زهئتوا؟ أجيال انقرضت و أجيال خلقت و بعدن هنّي ذاتن. حسبوها معي منيح بتشوفوا اّنو مش ظابطا أبدا جيل الأيفون فايف يحكموا، جيل تليفون المانيفيل انّو بطّل في عالم بتفهم بلبنان غيرن؟ كيف بيقبل الحكيم والمحامي والمهندس يكونوا ادوات بإيد ناس يمكن ما معون شهادة و إذا معن بكونوا شاريينا شراية. كيف بيقبل الإستاذ لعم تتخرج عإيديه أجيال يكون تلميذ بمدارسن؟

خلاصة الحديث لما حدا يقول عم بتفلسف، يللي كتشفتو بهالمدّة الأخيرة انّو كنت ظالم زعماءنا، كنت مفكّر كل مصايبنا من وراهن بس طلعت غلطان، مصايبنا كلّا بسببنا لأنّوا الشعب لبيتنازل عن حقوقوا ببطل في يطالب فيّا، مش شاطرين غير بالطنزير، إذا حدا سب السّيد حسن بروح 100 قتيل بس تغلى ربطة الخبز شي عادي، كرمال سوريا منحرق لبنان بس سلسلة الرتب والرواتب بتحمل تتأجل ما “ما حدا بموت من الجوع” ، إذا جارنا صف بالموقف تبعنا منجيب أجلوا بس انو السوري ياخد وظايفنا مش مشكل لاجئ الله يساعدو

بالـ 2005 لما استشهد رفيق الحريري نزل نص الشعب اللبناني عالشارع، ما بهمني اذا كان معن حق او لاء بس بعرف انّوا وصلوا للّبدن ياه، اليوم لبنان عم يستشهد ما بيساهل مناّ ينزل عالقليلة ربع شعبو لحمايتو و الحفاظ عليه؟ كنّا نتباهى بالديمقراطية والحريّة لي بتميّزنا عن باقي الشعوب العربية بس الحقيقة انّو طلعوا أحرار أكتر منّا، كنّا نتمسخر عالحمصي و نخبّر عنوّ نكت طلع أذكى مناّ صار هوّي يخبر عنّا نكت.من الآخر  وبالأملية ضيعان هيك بلد بهيك شعب

ر. غ عبدالله

https://www.facebook.com/BilAmaliyeh

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s