…مش ناقصك شي يا صاحبي

يا صاحبي … يا بلد الجبال الشامخة بوج المتوسط

يا صاحبي … يا بلد الأرز الصامد

يا صاحبي … يللي تجمّعت عَ شواطيك سفن  تجار العالم

ومرقّت عَ أراضيك شعوب الأرض كلها…

عم قلك مش ناقصك شي … لأنو معقول بعد ما كنت سيدا صرت تطبل بعرسا؟

 مش ناقصك شي … لأنو لمن كنت بلد الحضارة بالشرق ما كان في حدا متلك

يا صاحبي… مش ناقصك شي إلا تقوم من سكرتك … تقوم وتغسل وجك بماي العاصي

قوم وشم رياحين زهور جبالك يللي بتسبح بوديان القداسي حتى تلاقي الشمس

يللي بتغفى بمَيّ بَحرك….  قوم سهار مع جارك، شتاق يسمع مواويل الهوى

يللي بغنيها عشاقك … بعرف إنك عم تسكَر لأنك موجوع، موجوع من كترت

تقصيم شراينك بحجة الأديان، عم تسكَر حتى تنسى غدر كل يللي منك إستفاد

ورما فيك الحجر. عم تسكَر لأنو بطل إلك عين تقول يللي كل عمرك تقولو

لأنو سودوا وجك بدخان دواليبن وصوت بواريدن … سودوا وجك و بحجة

القضية حرقوا أرضك وهجروا سكانك … قوم مش معَوَد عليك تستسلم

علمتني إرفع راسي لأني بعرف إفرض إحترامي عالعالم … قوم مش ناقصك شي

قوم بكفك وعي كل يلي  ما عم بيشوفوا شو عم بيصير فيك

قوم بِكفّي هالبسينات تنهش فيك مفكرا حالا أسود قوم …. مش ناقصك شي يا صاحبي

إشتقتلك

 صديقك

م.ع.ع

https://www.facebook.com/BilAmaliyeh

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s