رجال النخوة؟

  النخوة كلمة الكتير ما بيعروفوا معناها …  ليش ؟ لأنو ببلدنا صارت الأنانية والمصلحة الخاصة أهم بكتير من الإنسان والإنسانية

النخوة هي من سماههم …. مين  هني ؟  إذا إتصلت عالـ ١٢٥ رح تعرف مين….  هني شباب ما بيعرفوا الخوف… حدودن الموت

بواجهوا النار بقلب بارد …  ما في شي بيمنعن إنو يوصلوا لقلب النار ويخطفولا أنفاسها … هنى بينتشروا بجبالنا

بحاولوا يحموا حراشنا الباقية هني عالسواحل حارسين لكل بيت وسيارة وإنسان هني بالبحر بواجهوا العواصف والموج حتى ينقذوا

شب متهور أو صياد غايص ورا لقمة عيشو… هني الدفاع المدني يللي بس نحتاجن ما بيرفضوا طلب هني رجال النخوة

هني جنود سلاحن مدفع الماي وذخمن إرادة صلبة … هني يللي بيعطوا من دون مقابل وبالمقابل ما حدا سقلان عنن….  اليوم هوي

العيد الوطني للدفاع المدني وتمنيت حدا يقدملن لفتة هني يللي مقدمين حياتن كرمال كل شخص … هني يللي إنت وأنا وكل واحد منا لازم يوقف

إحتراماً إلن . والأبشع مني ومنك هوي الإعلام،  وشو خص الإعلام؟ الإعلام  بوطنا صاير يضوي على قصص سخيفة وبيعمل بروموشن

لكل شاردة وواردة وتارك الأمور يللي لازم ينعملا قيمة بلا قيمة … بشرفكن

كم مرة سامعين هيدي الجملة :”…وتأخر الدفاع المدني بالوصول ” هيدي الجملة ما في أشطر من مذيعاتنا ومذيعينا بقَوّلا… إي يمكن الشباب

إيام بيتأخروا …. بس  لو منضوي  ليش بيتأخروا مش أحسن ؟ هيت لخبركن ليش … لأنو بس ينزلوا من مراكزن وبينطلقوا بألياتن

وبيدوروا زمور الخطر ما حدا بزحلن … حتى يمرقوا ويوصلوا بالوقت المطلوب … وإذا زاحولن … بزيحولن كرمال يلحقوا الإطفائية

ويهربوا من عجقة السير … الدفاع المدني بيتأخر تيكون وصل ميلاد، وطوني ومحمد وعلي من شغلن حتى يطلعوا عالمهمة ليش؟

لأنو الدفاع المدني بطل عندو متطوعين تغطي كل النهار والليل ليش؟ لأنو كل واحد منو مجبور يشتغل شغلتين أو تلاتي

حتى يقدر يعيش … هيدي قصة الدفاع المدني … قصة الدفاع المدني إنو العالم شاطرة توقف عَ بعيد وتنتقد بدل ما تساعد وحياتكن خلينا

نلتهي بمساعدة بعضنا أحسن ما نلتهي بالسياسة. وبالنهاية بالأملية، إذا حدا بدو يفوت عالدفاع المدني … شجعوا لأنو أكيد أحسنلو

بـ  ١٠٠٠مرة يكون رجل سلامة عامة من ما يكون تابع لفلان أو علتان .

م.ع. ع

http://www.facebook.com/BilAmaliyeh

Advertisements

2 Comments Add yours

  1. tarek-sinno@hotmail.com says:

    thx kttttttttttttttttttttttttttttteer 3ala hal kalem 7elo

    1. miroy says:

      la chouker 3ala wejib…. el dife3 el madani bi Damna … w min madresto tkharajna rjel

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s