أماليا أبي صالح … فنان لبناني تاني

مين منكن ما بيتذكر أماليا أبي صالح الفنانة يللي خلتنا نتضحك ونبتسم إن كان بأدوارا مع زياد الرحباني

إبراهيم مرعشلي وهند أبي اللمع  أبو نثرة  فهمان  وأبوسليم …. إيه يمكن عن بحكي عن أسامي نعرفت لما كان الفن بلبنان بعزو

عن بحكي عن اسامي هني يللي عملوا تاريخ  المسرح الكوميدايا والمسلسلات اللبنانية … عم بحكي عن فنانين اليوم ومبارح  وبكرا

وقفوا ورح يوقفوا عَ باب المستشفيات ناطرين حدا يطلع  فين ناطرين موافقة مدير المستشفى حتى  يتحكمو هيدا إذا كان مدير المستشفى بيعرفن

هني ناطرين موافقة  فلان وواسطة علتان بالوقت يللي ما أخدو إذن من حدا حتى يدخلو البسمة على بيوتنا لأنو بالزمن يللي كانوعم يشتغلوا في

على سمعتن وعلى خلق الفن اللبناني ما كان همن يقصروا الفستان على الفخاد ولا يشدو على الصدر

  ويعملوا الملايين بعد ما يخلصوا من تصوير أول مسلسل   …  اليوم أماليا أبي صالح

مش قادرة تفوت على مستشفى حتي تتعالج ونطرت أكتر من ٤ ساعات حتى تأمنلها غرفة إنو لو وضعا حرج شو كان صار …. اليوم أماليا

  بكرا غيرا وغيرا وغيرا… عيب على نقابة الفنانين تترك فانانينا ع بواب المستشفيات مشلوحة

وتوقف  تتفرج على  المنتجين أو بالأحرى عرصات الفن (العرصة باللغة اللبنانية هوي يللي بدبر زبونات لبيعات الهوا ) إيه هيدا وضع

المتجيين اللبنانين يللي راكضين ورا التنورة الشفة والصدر … ولك عيب عليكن نصير معروفين من ورا الفناننة الفلانية يللي كتير

هوت  وأول ما  حدا يحكي عنا يبلش وصفا من تحت الرقبي ونزول … بالأملية يا جماعة عنا عالم قديرة كانت مصدر فخر للفن

وعنا جيل تاني وتالت ورابع ربيان على هيدي المبادئ وخريج مدارس عظيمة … كمان عطون فرصة وحقّن بالشهرة

م.ع. ع

http://www.facebook.com/BilAmaliyeh

Advertisements

2 Comments Add yours

  1. Erratica101 says:

    شي بيزعّل

    1. miroy says:

      فعلاًً حرام تشوف إنسان زرع الضحكة عَ وجوه ملايين زعلان

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s