Eureka! ! وجدتها

والله  بهالويكند  كنت مستجلس عالبحر وعم بعمل شوية حسابات عالسريع … حسابات البلد والوضع وعم بفكر بمنطق

بوضع البلد وبيللي عم بيصير … وبالأخص إنو ما في حدا إلا ما بتسمعوا عم بينق ومش راضي على الوضع

يعني الأكترية هي يللي بدا لبنان بلد البحبوحة والسياحة والحياة … فاليكم الحسابات

إذا عتبرنا إنو بلبنان نحنا ٥ مليون بني آدم (ما بقدر أكدلكن هالشي) هيك الإحصاءات بتقول

وإعتبرنا إنو في عنا شي ١٥ لـ ٢٠ الف شخص من زلم ربنا … هودي الكاتيوشا ع خصرن وراسن ما بيحملن

ويا خي وخلينا نعتبر إنو فيلو ٧،٠٠٠ بين باب التباني وجبل محسن دايرينا تنقيف ع بعضن وخاربين عاصمة الشمال

وبيجيك كم بوسطة فيها مأسورين بيطلعولون شي ٥٠٠٠ واحد وزيدن وخلينا نزيدن شي  ١٠،٠٠٠  هودي تحسباً

لأنو ما حدا بيعرف بالمستقبل شو جايينا

 … يعني كلن على بعضن بيطلعوا  شي ٥٠ الف واحد هاديين على صوص ونقطة وهني سبب بلوة الـ ٥ مليون

١٪ من سكان لبنان* خاربين البلد …. فإذاً يا سيدنا حلتّها هيني الا ولا هي نلاقيلن شي شقفة أرض تساعن

منحطن فيها وخلين يضلوا يقتلوا بعضن تا يشبعوا فإلا ما يجي نهار ويخلَصوا ويخلصونا منن … مش بس هيك

وحتى نبرهلن عن حسن نيتنا ومحبتنا الكبيرة لتضحياتن العظيمة  منقدملن هدية متواضعة … ١٢٨ نايب و٣٢ وزير

هودي بضهر البيعة … وإذا حسو حالن مش ملحقين وبدن عون كما ن تكرم عينن ما في شي بيغلى عليّن

وأكيد أكيد أكيد بهالحالة بدن حكيم يعالج كمان موجود ما نحنا عاملين حساب كل شي

وهيك ساعتها فينا  نجيب عالم تفهم تنوب عنا وتعرف كيف بتدير أموال الدولة على خزينة الدولة مش على

خزناتن ببلاد الغربة… وهيك من كون حليناها ورجع عنا بلد كل مدينة في هي مدينة سياحية بإمتياز … ومنزيح

هالعار عنا وبترجع سما بيروت زرقا وأرزو أخضر وشمسو برتقالية… وبيبقى اللون الأحمر لون ذكرى شهداء

الجيش اللبناني يللي هوي طربون غار ومصدر إفتخار لكل لبناني بحق وحقيقة

بالأملية، خلوني قول إني أكيد بلاقي ٤ مليون و٩٣٩ لبناني بأييدوا هالحسابات، هيدي إذا ما زدنا علين المغتربين يللي صاروا

أكتر بكتير من يللي باقيين بالبلد

سكان لبنان : لأنو اللبناني إبن أصل وما بيعمل ببلدو/ بيتو يللي عم بينعمل ببلدنا*

م.ع. ع

http://www.facebook.com/BilAmaliyeh

Advertisements

2 Comments Add yours

  1. Erratica101 says:

    يا ريت والله … من قلمك لعقل هالأربع ملايين لبناني

    1. miroy says:

      … إلا ما يجي نهار

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s