بالأملية شيل هالـ …. من إيدك تنتفاهم

 بهالإيام ما فيك تحكي مع حدا كلمتين ع بعض إلا ما بقلك شي ١٠ مرات خليك معي

و إنت من كرم أخلاقك … ونفسك الكبيرة بتصير تقلو خود وقتك وعَ مهلك

  وهون حضرتو بياخد وج  وما بيعود يعرف يوقّف… بيحط راسو بالتلفون وبيدير التفقيش

ويللااااااا كونفرسيشون ورا التاني … والأنكا من هيدا كلو ساعة يللي بحس على حالو زادا وطخنها

بيقلك كفي حديثك سامعك  سامعك …يعني والله بفهمك أنا مطرحك كمان بقوم بدعسو… ليش إنت

فكرك هوي معبرك لا قاشع ولا دريان …بكفي الحديث مع الشيري وبس يحما الحديث بقوم حضرتو

وبيعتذر منك بيبرم ضهرو وبيفل … وهون الكارثة الأكبر ليش؟  لأنو صاحبنا الخواجة  بدو يكفّي الكونفرسيشون

ويترك الحديث حامي فبقرر إنو يكتب ويدردش هوي وسايق سيارتو… هوي يللي ما بيطيق العجقة

بصير ينطرا مناطرة وما بقفي ولا إشارة حمرا إلا ما يوقّف عليها … ما هيك بيربحلوا شوية وقت

حتى يكفي الحديث … بشرفكن كم مرة ساقبتوا ورا حدا عم بيسوق متل صاحنا القادمي وصرتوا

كل ما مشا السير تظمرولوا كرمال يمشي … وكم مرة كسرت عليكن صبية حلوة … هيدا إذا ما ضربت فيكن

وبس وقفتو تَ تطلبو الخبير دغري بتقلكن والله ما كنت منتبها أو ما شفتك مع العِلم إنك سايق سيارة مش راكب عَ نملة

بالأملية، يا إخوان دردشوا واتس آب و ب،ب تتشبعوا بس مش بالسيارة أو بجلسة مع حدا… ما هوي ما كان ناقصنا

إلا الواس آب والـ ب،ب تتزيد قلة الإحترام بين بعضنا وننسا إنو إذا شردنا ثانية  نحنا وسايقين بتروح علينا

ميلاد.ع. عيسى

http://www.facebook.com/BilAmaliyeh

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s