ذكرى بلا عِبرا

كل سنة بمتل هاليوم بيرجع اللبنانية بالّذاكرة ليوم ١٣ نيسان ١٩٧٥ يوم انطلاق شرارة الحرب الأهلية في لبنان أو بالأحرى حرب الأخرين على أرضنا. الحلو أنو بهالنهار ما منسمع غير الشعار العظيم “تنذكر لما تنعاد” بس الأحلا انو ما بتلحق تغيب الشمس حتى نكون نسينا كل لحكينه و متل ما بقولوا “غدًا يوم آخر” بترجع الذكرى بتنام بكتب التاريخ و بترجع المتاريس بتعمر بين الخي و خيّو، بين الجار و جاروا، بين شرقية و غربية و بين مسلم و مسيحي

للبعض ١٣ نيسان مناسبة ليتذّكروا أمجاد الماضي و البطولات  ليتذكّروا رفاقن و شهدائن، للبعض الآخر ١٣ نيسان قاعدة بطنتلق منّا لتعمل كادراج لكوادرا او لجذب الشباب الصاعد المتحمّس للعمل الحزبي. وفي البعض وهنّي فعليًا الأكثرية الصامتة بشوفوا بـ ١٣ نيسان عبرا لازم نستفيد منّا للعبور الى بر الأمان واعادة تثبيت الروابط الإجتماعية والثقافية بالمجتمع اللبناني

كلامي اليوم موجّه للشباب اللبناني لي بعد ما كان خلق ايام الحرب بس مترسخة بعقليتو كل تفاصيلا من ويلات  ودمار و حقد و كره وعدم قبول الآخر. ليش بدنا ندفع ثمن أخطاء غيرنا؟ ليش بدنا نعيش تاريخ كتبو غيرنا؟ ليش بدنا نموت كرمال غيرنا؟ كان بيّي دايمًا يإلّي “إذا بيّك ما علّمك الدهر بعلمك” وللأسف يا ريت سمعت كلام بيّي و لا نطرت الزمن يعلمني. أهلنا عم يربّونا و يعلمونا بالشبر والندّر ليشفونا محامّية ودكاترة و مهندسين… مش مقاتلين او شهداء. أهلنا عم يربونا ويعلمونا لنكون قدوة بالمجتمع لنكون قادة مش منقادين أو أداة بتحقق اهداف غيرا. أهلنا عم يربّونا ويعلمونا لنبني دولة ومؤسسات قاتلوا كرمالا بالبارودي بالـ ٧٥ لأنو ما كانو قادرين يدافعوا عنا بالعلم و القلم 

بـ ١٣ نيسان ١٨٧٥ أهلنا كتبوا تاريخن، تاريخ نكتب بالدم و الحقد و الكره و الدمار، تاريخ بعدنا عم نعيش فصولو لليوم. ١٣ نيسان ٢٠١٣ فرصتنا لنحنا نكتب تاريخنا، لنرجع نبني الجسور بين بعض كلبنانية، لنسخّر طاقاتنا وشهاداتنا لبناء دولة بتليق فينا وبطموحاتنا و بأحلامنا

تنذكر لما تنعاد شعار كتير حلو و كلّو معاني بس طالما بعد ما تعلّمنا، أكيد رح يجي اليوم و تنعاد.

بالأملية مش مهم الذكرى،المهم ناخد منّا عببرا

روي غازي عبدالله

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s