عم بحلَمك يا حلم…يا لبنان

عم بحلمك يا حلم… يا لبنان، دولة مدنية كل المواطنين متساوين امام القانون و كلّن عندن نفس الحقوق و الواجبات بميّزن عن بعض حب الوطن و العطاء من أجل بناء هيدا الوطن ومش تبعيتن السياسية و الطائفية

عم بحلمك يا حلم… يا لبنان، دولة عصرية بقوانينا ودستورا ومؤسّساتا، مش ممكن نبني دولة قوانينا بتعود لزمن السلطنة العثمانية و دستورا نكتب على ايام الإنتداب الفرنسي ما فينا سنة ٢٠١٣ نطّلع للمستقبل بعيون مبارح و أيّ مبارح لك يا ناس جّدي بعد ما كان خلقان لمّا نحط الدستتور و شرّفت انا و بعدو الدستور هوّي هوّي ما تغيّر في حرف

عم بحلمك يا حلم… يا لبنان، دولة قويّة و قادرة سيّدة على كل أراضيها جيشا و حدو حامي الحمى مش كل اربعة خمسة عاملين بوطة كل ما دق الكوز بالجرّة بسكرو منطقة بإما و أبّوا و بدنا ميت واسطة لنرجع نفتح الطرقات و أهم شي ما يطلعوا عل بيت زعلانين احسن ما يرجعوا بكرا يسكروا الطريق مرّة تانية

عم بحلمك يا حلم… يا لبنان دولة الإنماء المتوازن ما في منطقة أحسن من منطقة مش ابن بيروت بسمنة و ابن عكاّر بزيت مش الزفت متّلا جبل لبنان و البقاع غرقان بالوحل مش الخليجي معبّا المعملتين و وادي خالد ملياني النازحين السورية مش بيروت كلا شركات و فنادق و الجنوب كّلو سيارات مسروقة

عم بحلمك يا حلم… يا لبنان دولة بتجي فيا الكهربا ٢٤ على ٢٤ و المي اذا إجت ما تكون ريحتا مجارير و الغاز يكون ممدود عل البيوت من خلال بنة تحتية حديثة و متطورة مش كل ما نشتري جرة نحط ايدنا عألبنا، دولة مش كل ما تشتّتي الدني بتصير طرقاتا مسابح و بالصيفية العالم مايتة من العطش

عم بحلمك يا حلم… يالبنان دولة المساواة بين الرجل و المرأة مش مسموح لهلاء ما تكون المرأة قادرة تعطي الجنسية لزوجا و ولادا، مش مسموح لهلاء ما يكون في قانون بيحمي المرأة من العنف الأُسري، مش مسموح بدولة نص سكّانا من النساء إذا مش أكتر يكونوا ممثلين بس بـ٣ أو ٤ نواب

عم بحلمك يا حلم… يا لبنان دولة ابداع بدل ما تصدّر شبابا و الأدمغة ليعمروا و يستثمروا  بالدول التانية بتستثمر هالشباب و بتوظف قدراتن و طقاتن بمشاريع بتفيد الوطن بتخلق فرص عمل جديدي بتخفف من البطالة بتحرّك العجلة الإقتصادية و بتعكس وج لبنان الحضاري،شبابنا ابدعوا بالخارج ليش ما منعطين الفرصة يبدعوا بوطنن؟

عم بحلمك يا حلم… يا لبنان و ناطر هالحلم يصير حقيقة وانا أكيد حيصير حقيقة، فليجي هيدا اليوم خلّونا عم نحلم ببكرا الأفضل بدل منّا عايشيين بكوابيس الحاضر وتصبحوا على وطن

روي غازي عبدالله

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s