…..في العجلة السلامة و في التأجيل

صارلا ٢٣ سنة خالصا الحرب، ٢٣ سنة عم يإنعونا انو عم يعمرو البلد و بتهمن مصلحة المواطن و شغلن الشاغل راحتنا و ضمان مستقبلنا و السهر على حمايتنا

٢٣ سنة و نحنا ساكتين و مإتنعين بكذبة قد ما صدقناها صارت حقيقة و صار الكذاب بمصاف اﻵلهة ما عليه ﻻ حسيب وﻻ رئيب بيعمل شو ما بدو ساعة لبدو و مين أدّو

٢٣ سنة ربطوا حياتنا بوجودن، رهنوا مستقبلنا ليشتروا استمراريتن خيّطوا القوانين عإياسن و سخروا الدستور لمصالحن،صار وجودنا من دونن  وعدم  وجودن بحياتنا نِعَم

بعرف انو هالمقدمة طويلة يمكن و اكيد الكل بيعرفا و الكل عم بعاني منا بس لبضحك انو الكل إبلان فيا
اليوم نحنا قادمين على انتخابات نيابية، استحقاق بخولنا نحاسب و نوصل صوتنا، استحقاق معرض للتأجيل لأنو ما بفيد البعض او القانون مش عاجب البعض اﻵخرهلأ مش شي جديد تعودنا عالتإجيل بس انو لأيمتا؟

٢٣ سنة عم نأجل تتبيق الطائف،  ٢٣ سنة عم نأجل ملف الكهربا، ٢٣ سنة ما عرفنا نعمل قانون انتخاب، ٢٣ سنة عم نأجل حق المرأة باعطاء الجنسية لزوجا و وﻻدا،سلسلة الرتب و الرواتب اجلناها،قانون الزواج المدني أجلناه

٢٣ سنة و هني عم يأجلو بمصالحنا ليحموا مصالحن،لأيمتا بدنا نضل نأجل ثورتنا لنحاسبن و نسترد حقوقنا؟

روي غازي عبدالله

http://www.facebook.com/BilAmaliyeh

http://www.facebook.com/roy.abdallah.7?fref=ts

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s