إشتقتلك … يا ست الدني

 صحيح ما عرفتك لمن كنت صَبية

ما عرفتك متل ما كل يللي قبلي عرفوكي

صحيح إني وعيت عَ صوت المدفع عم يهدم معالم التطور فيكي

والحقد عم يخزق عنك تياب الحضارة

ترصاص الكره يسرق عذريتك

ويلوّن شواطيكي …بإرجوان الدم

ويرميكي وحيدي عَ حفاف الزمان

تتوجعي بين نياب أعداء وطنك لبنان

بس وعيت … خبروني كمان إنك طير الفينيق

وقوتك من  الجبار  بتاخديها

وخبروني إنك بيوم من الإيام كنت سويسرا الشرق

وكان الكل يجيكي من شرق وغرب … حتى ع بلاد السياحة يتعرفو

ومن طراب موطن القداسي يتباركوا

إشتقتلك يا ست الدني …إشتقت شوف إيام العز يللي على خبارها تربيت

إشتقت المشي بالليل بشوارعك من دون ما حس الخوف من يللي لاحقني

إشتقت نام وبابي للهوا مفتوح … وشوف عَ مطارك السياح صفوف

مش أوقف والدمعة بعيني وبإيدي سنطة سفر

بطلت أعرفك  يا إم الشرائع لأنو الحق فيكي صار ضايع

دخلك رجعي …رجعي لبيروت يللي منعرفها … رجعي تكوني ست الدني

رجعي تعبي الدني خبار عن شعبك بحرك وبرك …عن أرز بلادك وقديسي

رجعي تعبنا نسمح دموع الإمات ونلقط نهدات البيات

رجعي مش لأني إشتقتلك … رجعي لأنو كل لبناني إشتقلك

بالأملية رجعي

ميلاد.ع. عيسى

http://www.facebook.com/BilAmaliyeh

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s