لبنان الضيّق … بيساع ألف ضيف

متل العادي ومتل دايماً لو شو ما يصير حوالينا بدو يأثر علينا … شرعنا حدود بلدنا

قدام الهربانين من سوريا … صار بدنا نوقَف حراس على بواب بيوتنا ولك يا أخي صحيح إنو المتل بيقول

البيت الضيّق بيساع الف محب”  بس إبن عمو بيقول  “ما تشرب بالبير وترمي في حجر” …. إيه  نعم من وقتا ما شرفونا الجيران”

وبطل فينا نأمن نمشي عالطرقات و صارعلى كل مفرق وكل زاوية بتحس إنو في حدا لاطيلك … هيدا الوضع مش مقبول

والمش مقبول أكتر إنو بحجة التهجير من بلادن  نسمحلن  ينهبونا يجلجقوا بلدنا ويحاولوا يغتصبوا نسوانا ويتحرشوا بولادنا

إيه هيدي طويلي على رقبتن … إذا الدولة مش قادرا تمنعن من سرقت الكهربا ومن التبسيط على الطرقات … نحنا الشعب قادرين نحط

كل واحد عند حدو لأنو شبعنا قرف… وبعدين !!! إنو الشعب اللبناني مجبور كل يوم يسمعن عم بينقوا عالدولة اللبنانية ؟؟؟  … ولك ما هي الدولة

مش قادرا تشوف شعبا شو بدو كيف بدا تطلع فيكن؟؟؟ … ولك بيكفي إنو قبلنا نستقبلكن بعد يللي عملتوا لـ ٣٠ سنة وهلق بكل عين وقحة

جايين تدقوا عَ  بوابنا تقعدوا عنا وتتكبروا عالنعمة. ولك الحق مش عليكن الحق ع جماعة المصالح السياسية يللي ما سكروا الحدود وخلوكن ببلادكن

تعانو متل ما نحنا عانينا. وهلق …..  إلا ما يتطلعلو حدا من المؤمنين بحقوق الإنسان  وينتقد يللي  قلتوا

 وينتقد  قساوتوا ومنن يللي بدو يقول : ” إيه بس بوقتا الشعب ما كان خصوا” وبجاوبوا

إنو هوي بوقتا ما ضل حدا إلا ما إستقوى علينا من الصغير للكبير … وهلق الوضع ما تغيّر…  وإذا مش مصدقني ليش ما بتخلي

إختك، إمك أو مرتك تروح وحدا بالليل عالدكان يللي ع راس الشارع ؟  وإنت بس تصف السيارة  ليش بتأكد ٥ مرات إنك قفلتها ؟

بالأملية، يا لبنانية خدوا كلامي بعيد عن التوجهات السياسية الوسخة وبعيد عن كل شي خصوا بالسياسة وقرفا أنا عم بحكي واقع

مش عم جرّب شوه صورة اللاجئين السوريين بس هيدا الحكي يللي سمعتوا من كتار بالبلد…وبالأملية يا جيرانا السورية

خلينا نضل نقلكن ” بيت السبع ما بيفضا من العضام” أحسن ما نصير نقلكن “شحاد ،ومشارط ” ونسكر بوابنا بوجكن

ميلاد.ع. عيسى

http://www.facebook.com/BilAmaliyeh

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s