هوت ديييل ؟

من كم يوم زمان ، قررت إنو صار الوقت حتى إشتري بيت وبما إنو ما فيك توثق بسمسار عمار … قررت إفتح الإنترنات

حتى إخد  فكرة عن الأسعار …. وأكيد ما بدو مين يخبركن لا قربت على بيروت ولا على ضواحيها

لأنو بيروت بطلت لإلنا يعني بطلت لللبنانية وبالأخص نحنا الشباب لأنو الأسعار صارت تكوي نار

قلت يا صبي نبش بكسروان …ويا ويلي شو لقيت شقق أشكال والوان والأسعار خلتني إنصاب بالهزيان

بعدا فكرت وقلت إنو الواحد ما إلو إلا منطقتو هات لإبرم شوي بجبيل …وجزبني هيدا العنوان

 هوت ديييل …. ضحكت وقلت هيدي هيي فٌريجت  فوت ولحق حالك قبل ما تطير الفرصة

لأنو الفرصة بتجي مرة وحدة بالحياة ما بدي كذّب عليكن بلحظتها حسيت إنو إبتسملي الحظ

ولقيت بيت الأحلام….. فقست عاللينك طلعلي رقم حرزان مليان صفورة بعد الواحد والتماني

إيهييييه الشقة٢٠٠ متر بمستيتا وسعرا مليون و٨٠٠ الف وأكيد مش بالبناني …وبلشت إحكي مع حالي متل الخرفان

إنو من وين ؟؟؟؟ من وين الشب اللبناني بدو يجيب هيك مبلغ ومن قَيمتا صارت ملايين الدولارات

هوت ديل … ولك يا أخي ما أنا بشتغل ومعاشي كلو بيروح تَسكر الدين… الدين عَ طرمبة البانزين

وعند الدكنجي أبو سمير … إنو كيف بدكن الشباب يضلوا بالبلد طالما مش قادرين يشترو بيت الأحلام

هات لمنعمل شوية حسابات مع إني ما بفهم فين بس منتعلم بأحسن  المدارس والجامعات منتخرج ومنشتغل

وبالكاد بيوصل معاشنا ١٠٠٠ دولار هيدي إذا كنت فطحل زمانك …بانزيناتك وأكلاتك وشرباتك مع سهرة

وحدة بالشهر هيدي تتغيّر جوك وقسط السيارة للبنك بيبقالك ٥٠ دولار بأخر الشهر هيدي يللي بدك تصمدا

حتى تشتري البيت وما في متر تحت  الالف دولار يعني كل ٢٠ شهر بتشتري متر وحسوب أشهر وخمسينات

بالأخر مش رح تقدر تشتري أكتر من مسكة الباب … بالأملية يا تجار الحجار ما تركتو جبل أخضر ولا حتى متر

أخضر حرمتونا حقوننا إنتو عم تركضوا ورا مصالحكن …. مستقبلنا وين من حساباتكن؟

ميلاد.ع. عيسى

http://www.facebook.com/BilAmaliyeh

http://www.facebook.com/miled.issa

 

Advertisements

2 Comments Add yours

  1. حساباتن؟ ما حدا حاسب حسابك

    1. miroy says:

      نعم …. للأسف

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s