إبني المدير

 الخبرية بلشت معي من لما إمي حست إني جايي عَ هالدني  ولما بلشت هي وبيي  يبنو فيي

روح التلسط والسلطة وتحاول تعملني مدير من أنا وببطنا …  شي غريب مش هيك ؟

هات لقلك كيف ؟ إذا شي ليلة أنا وعايش بمملكتي جوا ومرتاح وقررت إني حط إجر على جر ونكذتا

للمعترة هي ونايمة بنص دين الليل بتوعا وببتأهب

 وبس كانو سناني عم  بيفرخوا لا كنت نام ولا خلي حدا ينام وكلن تحت تصرف

بكوة صغيرة مني … والألذ لما بَلشت إمشي كانت هي وبيي يمشو واحد عَ  شمالي والتاني على  يميني حتى يأمنولي الحماية

هودي كلن هينين قبال بس بَلشت روح عالمدرسة وبَلَشِت معا نوبة  شوفة الحال والشطارة أكيد مش عندي!

عند إمي وببي … ما أنا بنظرن أشطر وأذكا صبي بالدني

بركي مفكريني خليفة أنشتين … وكبرت شوي وصرت جيب معي آخر الشهر دفتر العلامات يللي مش

ممكن تشوف عليه علامة أكتر من ٣/١٠ هيدي إذا كنت كون شادد حالي

ودارس … بس بالنسبة لإمي بحديسا مع الجارة يقبر إمو الأول بالصف وما في أشطر منو

وكبِرت وكَفت معي الحالة حتى  تخرجت من المدرسة والجامعة وإجا وقت الجَدّ

جربت لاقي شغل ببلادي بس … ما لقيّت حالي لأنو ببلدنا الكل بدو يكون مدير ومن أنا وصغير

ربيان  إني الأول والأشطر والأذكى والكل ببلدنا هيك رابي فا كيف بدي إقبل إنو ما كون أنا المدير

ولمعت براسي فكرة شووو فكرة ! ذكية! ومتل العادي فِكَرت ما حدا جايي على بالو

رحت عملت باسبور و ركض على باب أول سفارة بتعطيني الهجرة إي ما أنا مفكر حالي إذا رحت على فرنسا

أو أميركا مع هالمعدل العالي من الذكا والشطارة فيني أعمل مدير … وحتى قبلو الأهل بفكرة السفر

قلتلن رايح أعمل مدير وإرجع لعندكن وهيك صار … سافرت تغربت عم نبش

عالكرسي يللي بدا تخليني صير مدير وتفاجأت بمدرا الحي يللي عم بيقشروا بطاطا بمطبخ مطعم من المطاعم

يللي إمو مفكرة إنو هوي مديرو بالنهار لأنو حسب حكي إمو

 عَ قد ما هوي شاطر وسيطو سابقو طلبو منو يعمل مدير على محطة البنزين بالليل …… ويما لتقيت بمدرا

وكل واحد منن بمجال غير التاني ساعتها قررت ضب غراضي

وإرجع عالأرض يللي فيا خلقت إشتغل عَ قد حجمي  ويمكن تكون حالة بلدي تعتير …. بس بتضلا أفضل ما كون بالكذب مدير

 بالأملية يا جماعة الشغل مش عيب العيب، العيب الكذب بالأناطير …. ولو ببلدنا مش كل واحد بدو يركب مدير … كنا بحالة أحسن من هيك بكتير

ميلاد.ع. عيسى

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s