وين الماي؟؟؟

وين الماي ؟؟؟؟ ما بعرف وين الماي

شو خصني أنا … ما أنا متلي متلك ما عندي ماي إي ما عندي ماي والماي كارجة عالطريق … تفضل بس قلتلك كارجة عالطريق  دغري إنتفضت  أستيقظ  فيك الحقد وحس المحاسبة وسقلتني وين الدولة ؟

هلق الدولة مش هي يللي مسؤولة عن الشتي  … والله الدولة مش عاملة صفقة مع ربنا حتى تشتي الدني

 بس هي مقصرة؟…. إيه     ما عم تعرف تستفيد من الخيرات؟….  إيه    عم يقرطوا مصريات السدود ؟…… إييييه   بس المشكلة مش بس بالسد يللي بساعدنا  نحافظ على الماي وبيصير فينا نولد كهربا  بدون ما نجيب هالبواخر من تركيا

 المشكلة هي إنت كمان  يا صاحبي … كيف!؟  لو حضرت جنابك  لمن كنت عم تاكل فول ولوز وبزيلاوتشرب بيرا بالسيارة  مع الشباب ما كبيتوا القشر والقناني  من الشباك عالطريق

.ما كانو سكرو  هيدي القناية  عَ جنب الأوتوستراد وما  كانت الطريق  عَوَمت … وما كنت علقت بعجقة سير …. وتأخرت على مواعيدك … وبلشت تنق وتطالب الدولة وتلوم البلدية  والوزارة و تسب البلد

 بالأملية يا دولتنا العلية … لو بتسدو هالقنيات يللي عم بتهرّب أموال الشعب وبتعمرولنا  شي كم سَد نجمِّع فين  ماي هيك عالقليلة بيصير عنا شي واحد نتبغدد في

…وإذا الله رزقكن وكَمَلا معكن بركي بتعملولكن شي محطة توليد كهربا بصير فينا نضوي هاللمبة يللي شتقنا  نشوفا مضواية

 ومن هلق لوقتا بدي قلكن إذا هني مش ساقلانين عنّا وعن بلدنا خلينا نكون نحنا المسؤولين

ميلاد.ع. عيسى

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s