إجا الموسم

إيه يا معلم .. إجا الموسم …لأ مش  الشتوية ولا موسم الصيد

هيدا الموسم يللي بيجي كل أربع سنين مرة … سبحان الله بهيدي الفترة  بتدب النخوة بأصحاب

النمر الزرقة وببلشوا بالواجبات يعني ما بيضل يمرق دفن إلاما تشفلك تنين تلاتة بالبدلة السودا

“والدمعة واقفة على باب عينن … ما هني بيحسوا مع الشعب …ما هني من الأخر “من الشعب وللشعب

بس هي حتى تكون مبكلة من كل الميلات ما بتوقف بس عالأطراح الأفراح إلا الحصة الكبيرة من وقتن

بس يوصل الموكب بيبلش الفرقيع يلعلع بالسما … وبين الفرقيعة والتاني بيطلع رشق رصاص يعني بالإخر

بتفكروا هوي العريس بعد التقهيل والتهليل … بمالح الشعب وهون خدلك عا كاسات بالهوا وبس تحما السهرة وحتى يبرهن

إنو هوي ما نسا أصلو بيكمش عالدبكة …وأكيد ما بيقبلوا الأهل إلإ تكمش الراس *.. إيه وبعد الأفراح بتجي الولادات

بوكيه ورد وصينية بقلاوة وصورة للذكرى مع المولود …..  هييك ببلش صاحبنا يحضّر

الجيل الجديد حتي ينتخبو أو ينتخبوا إبنو أو إبن إبنو ما هي النيابة وراثة

أيه هيدا موسم المحادل، محادل الزفت … هيدا الزفت يللي بيفرش كل الطرقات ولك حتى على شوي إذا مدقرة معك

ومش قادر تبلط الصالون تركو لوقت الإنتخابات بيزفتولك الصالون والسفرة كمان وهني وفالين بيحطولك

برميل على البالكون …فيكن تضحكوا على يلي قلتو بس هيدا الواقع يللي بيبكي وبيناتنا متل ما بيقولوا

برافو على الشاطر …إيه هني الشطار والمواطن اللبناني يللي بيعيد الكرة كل ٤ سنين هوي الحمار*… معقول

إنو كل ٣ سنين ونص بيتذكروا إنو هني لازم يساعدوا الشعب ويحققوا مطالبو وبيبلشوا الخدمات عن أبو جنب

 وكل مرة المسرحية ذاتها بتنعاد وبدل ما يتحاسبو من الشعب هني بيحاسبوا الشعب بكمشت ميات دولارات

وبعد سنة ليكون خلص الحكي بيكتشف الشعب إنو يللي إنتخبوا ما إلو عازة وبتطلع الصرخة وبتكون

خلصت الـ ٥٠٠$ يللي شترا فيا صاحبنا الصوت وبيبلش الوعد والوعيد ومتل قلتها لأنو قبل الإنتخابات

بس ينتشر الزفت عالطرقات والدولارات عالجيوب بتختفي كل العيوب

 بالأملية إذا الزفت هوي هدفكن إتطلعوا على حالتنا …واللبيب من الإشارة يفهم

الراس : هوي يللي بيقيد رقصة الدبكة (إقتضا التوضيح ) ويسمى راس الدبكة *

الحمار : هوي كل واحد بينتخب الطقم ذاتوا مرة بعد مرة بعد مرة (إقتضا التوضيح) وشكراً * 

ميلاد.ع. عيسى

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s