قانون منع التدخين يقطع الأرزاق وممكن أن يؤدي الى الإفلاس

بالأول حتى ما تقولوا إنو هيدا الزلمي شغلتو ينق أو ينتقد

بدي هنى حكومة  عالقانون الجديد يللي أطلقتو …أكيد الكل عرف عن شو عم بحكي

عن قانون منع التدخين … يللي كنت أول من أطلق حملة إعلانية لتطبيقو سنة ٢٠٠٩

بس متل العادة دولتنا بتنفز قبل ما تخطط أو بالأحرة  بيكمشوا القانون من طيزوا

 وبيطبقوا… يعني بهالقاون يللي أطلقوا  ما فكروا بطريقة فعالة حتى ينفزوا

لأنو ومتل ما منعرف نص المطاعم اللبنانية بتعتمد عالأركيلة والمطعم هوي مكان خاص مش عام

…يعني بعد ناقص يجي لعندي عالسطيحة قدام البيت ويعملي ظبط تدخين

ما هيدي كمان مكان عام لأنو بتمرق من حدا طريق مزفتي

يعني وإذ للبد دولتنا بدا تفرض هيدا القانون لازم  تبلش تطبقو بالسرايا ت يللي موظفينا بقضوا تدخين وشرب قهوة

وبتنطر ٣ ساعات حتى يكونو خلصوا الصبحية كرمال تخلص معاملتك هيدي إذا خلصت بنهار واحد

مرة تاني بقولا أنا مش ضد قانون منع التدخين بالأماكن العامة بس ضد إصدار قوانين عالطفشانة

 وبلا منفكر بالعواقب وكيف بدنا ننفزا… وبعدان هالشعب كيف بدو ينفس

عن هموموا إذا ما نفخ عليا حتى تنجلي … وبعدان اللبناني ما بينخاف عليه بكرا بيتحايل ع قانونِك يا حكومتنا

وبفك هالواجهة وبدل ما تكون العالم عم بتدخن جوات المطعم بتصير عم بتدخن تحت الخيمة  وخدوا على غيرا

وغيرا من الحيل الكتيرة يللي بتنعمل وبتخلي  مصير هالقانون بيصير متل مصير يللي سبققوا ، بمقبرة جوارير الأرشيف

وبيصير بوقتا بدنا قانون ومرسوم خاص حتى نرجع نفزو

بالأملية … ما تفهموني غلط بس هالقانون إنطلق بالوقت الغلط وتركيبتوا كلها غلط بغلط وبدل ما يكون قانون

إصلاحي للمجتمع رح  يهدد مصالح الشعب … ويخلي أصحاب المطاعم يكتبوا على واجهاتها

 المستثمرين يحذرون إن قانون منع التدخين يقطع الأرزاق وممكن أن يؤدي الى الإفلاس  

 

ميلاد.ع. عيسى

http://www.facebook.com/miled.issa

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s