رسالة الى صاحب الإيدي الحديدية

رسالتي عم بنقلا عن لسان كل الشعب اللبناني يللي قلبو على وطنو وحابب بلدو يصير وطن

بس البلد… هههه قلبو ع مصالحو…

رسالتي ما بتحكي مع أصحاب الضماير الميتي يللي عم تقتل الشعب وعم تسرقو وعم تتركو يموت

 ع بواب المستشفيات وغيرا من المشاكل الكتيرة يللي مش رح عدا لأنها ما بتخلص….

رسالتي إلك يا قائد جمهورية الشرف والتضحية والوفاء ….

رسالتي إلك يللي سلاحك هوي لحماية وطن الأرزي مش للقتل

رسالتي هي حتى تخلّص بلدنا لبنان وتحولو لوطن … لأنو وبعد كل يللي عم بيصير

إنت أمل الشعب الوحيد … ما تعمل متل ما عملو كتار غيرك باعو معتقداتن

كرامة كرسي … بالأملية يا صنديد خلصنا بقا من هالوضع وإستعمل إيديك يللي من حديد

إستعملا ضد يللي بهددنا كل يوم إنو يسكر طرقاتنا … وسكّر كل الطرقات قدامو

 إستعملا ضد يللي قطع برزقنا ويللي هجرنا من وطنا … وهجرواع ديني ما بيحكم فيا إلإ الخالق

إستعملا وإقطاع إيدين يللي بدا تخرب وطننا … وعلمن إنو ما يتطاولوا

على سيادتك… فرجيين قوة جيشك يللي ع كتافو حامل نجوم السما وع سواعدواالأرزة بتتكي

خلصنا من الصابور الأول والتاني …. والخامس  خلصنا من كل واحد فاتح على حسابو

ومفكر  إنو البلد سايب … برهلن إنو الجيش ثابت بدفاعوا عن أرض وأمن بلدنا

إستعمل سلطتك على المتسلبط على حرياتنا … وسلبو حريتوا يللي عم يستغلا حتى يهدم لبنان

خلينا نرجع نرفع راسنا بالعالم ونقول إنو نحنا لبنانية … لأنو سودولونا وجنا بدخنة دواليبن

وبريحة فسادن يللي خلنانا نرجع لورا…. وبدل ما نكون السباقين خلانا نصير بعيون العالم متخلفين

خلي كلمتك الوحيدة هي يللي بتحكم بالبلد … وخلي وسلاحك هوي السلاح الوحيد يللي

ببلسم الجراح… ورصاصو هوي الوحيد يللي يلعلع بسما لبنان حتى يدافع عن كيان بلدنا

…. وورد ورز بتنرش فوق أنعاش أبطالك يللي لولاهن اليوم ما كنا

بالأملية يا قائد … قيد هالبلد عالخلاص وشيلو من تحت الردم

ردم الفساد، ردم السلاح الغير قانوني ، ردم الايادي السودا وخلّي إيدك الفلاذية هي يللي

تكسر كل القواعد وتحرر بلدنا…. بالأملية تقبل مني هيد الرسالة … وخلي البلد يصير وطن

.وكل إنسان في مواطن

تفضلوا بالقبول مع فائق الإحترام

ميلاد.ع. عيسى

http://www.facebook.com/miled.issa

Advertisements

One Comment Add yours

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s