من طلب العلى لأولاده …. شحد بالليالي

رزق الله على إيام مدرسة السنديانة بوقتا كان الصف يكلف سطيلة حليب … وقة جبنة …ليرتين … وغيرا وغيرا

 اليوم حتى تعلم ولادك بدك تبيع شنتانك …. هيدا مش شي جديد بس الجديد إنو يوم يللي زادوا المعاشات

 ما ضل ولد إلا ما وصل مع ورقة زودة الأقساط على البيت …. إنو يللي بدو يعلم ولادوا بمدرسة مستواها منيح صار بدو يدفع

يللي فوقوا ويللي تحتو يبيع شقفة الأرض و دهبايات المرا … وبدو يشحدلو سوية رحمة على باب مدير المدرسة يللي بتفكرو

شاويش أو مسؤول عن الحبس …هيدي إذا ما طلب منك تاخد موعد لأنو مش فاضيلاك عندو شي أهم من شؤون تلاميذو

بس لو إنك جديد عالمدرسة بيكشر عن نيابو بضحكة صفرة …لأنو إجا  زبون جديد بدو يسحب منو كل المصريات

وإذا ساقبت وقام عن عرشو ورافقك على الباب وشاف إنو سيارتك مرتبة بيفقعك الجملة الشهيرة : مكتبي، الإدارة والأساتذة كلنا عَ حسابك

وبس يجي وقت تستفيد من العرض المغري يللي عرضو عليك وتوقف عَ باب مكتبو ناطر منو جواب حتى  تشوف شو قصة هالزودة

يللي لو ما ستحيو عَ دمن شوي كانو عملوا على قد الحد الأدنى للأجور كل يللي كان عَ حسابك بيصير يحرق سلافك

وإذا شافك وإستقبلك … بيكشرعن نيابو بس هالمرة بلاضحكة  بقلك : إذا مش قادر تتحمل فيك تاخدو عالرسمية

بالأملية يا حضرة المدير هيدي الجملة ما بقا تستعملا … لأنو التعليم حق إلنا وواجب عليكن

هي بالنهاية بمدارسنا  الخاصة ما وقفت على الزودة ويلك من حق الكوستيم … الرحلات … والنشطات الإجتماعية … والمساعدات الإنسانية

 يللي لما بيجي دورك وتكون بحاجة لحدا يفكر معك بإنسانية …ببطل في مصارة بالصينية …وفهمكن كفاية

ميلاد.ع. عيسى

http://www.facebook.com/miled.issa
Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s