بكل فخر …. لبناني

“من كم يوم كنت قاعد جلسة مع زلمي صاحبنا هوي أكبر مني بالعمر بس أنا لاحق المتل يللي بيقول ” عاشر الكبير بتكبر 

كان عم بخبرني لما كان يزور بلدان العالم وكان يفتخر إنو لبناني …خبرني عن قيمة الليرة بوقتا

  وعن عز الباسبور اللبناني …. وكيف كان اللبناني يشوف بحالو …. خبرني إنو مرة هوي على مطار سويسرا بالستينات

لما نقطع من العملة السويرية سألوا للبايع بتخاد لبناني ؟…. جاوبو وقلو : ولو عم تسأل أكيد باخد لبناني وإذا بدك دفاع المبلغ كلو بالبناني

يا حسرة اليوم لا الليرة بقى إلا قيمة ولا الباسبور إلو رهبة بس شوفة الحال بعدا ذاتها …على شو ؟ على مين ؟ ليش؟

أو الاحسن إنو إسأل على شو وبشو بدنا نشوف حالنا ؟…. منشوف بحالنا لما على مطار دولة أوروبية منقلن إننا لبنانية بوقفونا

عالتحقيق … أو منشوف بحالنا لما نعرف إنو أغلى تنكة بنزين موجودة بسياراتنا وأكبر كمية لحمة فاسدة موجودة بسوبرماركاتنا

أو بفتخر بأثاراتو الجديدة يللي صار العالم يعرفا : جبال الزبالة يللي ملوثة شط المتوسط وحكيوا عنن بالتلفزيونات العالمية 

مش جبيل، بعلبك صيدا وصور …. حلو كتير نضلنا شايفين بحالنا إنا نشرنا الحضارة والحرف و جدودنا  كانوا الفينيقين 

أو بالأحرة جدودنا نشروا الحرف وبنيو الحضارة ونحنا يا حسرة هدمنا الأثارات وبعنا حجارة 

خلونا نترك ١٤ و ٨ ونوقف وقفت عز  تحت راية العلم اللبناني 

ونعمل بلدنا بلد من جديد سويسرا الشرق …مهد الحضارة …إم الشرائع بيروت فخر العيش المشترك والتجارة

 خلونا نرد بلدنا مركز للسياح حتى بيوم من الأيام يكون لولادنا في شي يفتخروا في

ومتل ما نحنا رافعين راسننا بجدودنا يعرفوا راسن …..ببياتن 

ميلاد.ع. عيسى

http://www.facebook.com/miled.issa
Advertisements

One Comment Add yours

  1. Tarek says:

    Ah… We TRY, we TRY.

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s