….قال يوم الأرض قال

on

كل سنة بنص نيسان أو بعد هيك بشوي صغيرة بلدان العالم كلها بتشارك ….بنهار الأرض والأحلى من هيك إنو بيعملوا من هالنهار ضجة كبيرة وبيربحونا جميلة

وهات تخبركن شو بيعملوا بهيدا النهار، كل دول العالم بيتفقوا إنو يقطعوا الكهربا لمدة ساعة حتى يوفروا طاقة عن الأرض

وبتبلش الأقمار الإصطناعية تصور مشاركة كل البلدان بهيدا النهار …البرج الفلاني بالبلد العلتاني كل الإضاءة تبعو مطفايي

وبهيداك البلد عندن سور عظيم ما في ولا لمبة مضواية لا توفير ولا غيرو والبيت الأبيض عم بيحس معنا وطفو الضو من الساعة ١١للساعة ١٢

مش بس ببلاد الغرب هيك بيعملوا حتى بالبلدان العربية يعني على برج خليفة “أطول برج بالعالم …للوقت الحالي ” ما بيضل في إلا ضو تنبيه الطيارات عم بيلمع بسما الإمارات

  نحنا منحب نخبرن إنو ببلدانا مش ناطرين هيدا النهار حتي نوفر على الأرض حرارة وطاقة نحنا مساندين البيئة بالا ما نكون  عارفين ….. ويا ريت وقفت القصة على ساعة نحنا يا جماعة كل يوم منساند البيئة

بـ ١٠- ١٢ – ١٤ وأيام الشتي والرعد  والزمهرير أكتر من هيك .

قولكن لازم نربحن جميلة  متل ما هني بيعملوا؟ … أو لازم نشكر وزير الطاقة لأنو ما ترك ولا بيت إلا ما دخّلو بالهالحدث العالمي

 أو الأحسن إنو نعطي وسام … وسام الطاقة المقطوعة … بالنهاية يا دولتنا العزيزة عطينا الكهربا … وخذي منا ما يدهش العالم  ونحنا منوفّر عليكي وعالأرض  لأنو أكيد

إنو إذا صار عنا كهربا متل ما بيقولو ٢٤/٢٤ رح نطر إنو نشتغل ٢٤/٢٤حتى ندفع الفواتير لإنو عودتونا على أغلى فواتير بالعالم

وبما إنو بعد ٥ دقايق بيكون صار الوقت إنو شارك أنا كمان بالحفاظ على البيئة ….. لأنو بتكون صارت الساعة ١٢ ….. بدي قول متل ما الكل ببلدنا بيقول….. هلق وقتا

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s