…حتى الباطون

ما بعرف شو لازم  قول، إكتب أو مين إنتقد

بس يللي بعرفو إنو قبل ما قول أي شي بدي عزي كل لبنان عموماً وأهل الأشرفية وبناية الأشرفية بشكل خاص وبتمنى إنو روح الضحايا تكون بالسما

بعد ما كلنا إنشغلنا بأخبار بناية الأشرفية وزعلنا على الضحايا وفرحنا للناجين …مش لازم ننسى أبداً يللي صار لأنو نحنا شعب معوّد إنو يتأثر وبدقيقة بينسى كل شي متل ما بيقول المتل : “مننسى قبل ما يبرد الدم ” .هيدي البناية مش بس عواميد من الباطون

هيدي البناية صرخة، صرخة وجع لكل المسؤلين وأكيد المسؤول عن يلي صار مش واحد ، هيدي البناية صرخة لضمير الحكام ضميرن النايم ، صرخة حتى يهتموا بهيدا البلد ، هي جريمة نفذا كل مسؤول عن الفوضى العمرانية

جريمة تجار البنا يللي همن يعملوا مصاري ….صرخة حتى نرجع نوعا ونهتم ببلدنا ونعرف كيف ناخد رخص عمار قانونية ما في بين وراقا وراق خضرا …ولك حتى الباطون ببلدنا بطل يتحمل

هيدي البناية صار فيا هيك لأنو اساساتا نخرا الجوع وكسرلا عواميدا الفقر وتغلغل بباطوناتها الشقى والهم

 هيدي البناية نزلت لانكن ما عم تسمعوا صرخة العالم، هيدي البناية هي صوت الشعب حتى تشوفوا إن شعبنا إنهار …. ولك حرام عليكن هبطّوا بلدنا بطمعكن هبطوا بلد حتى تعمروا قصورا ، هيدي البناية بغبرة طرابها عم بتقلكن خلص بقا ……هبطوا عزيمة الشعب

يللي بحب الحياة، إنشاء الله مع كل حبة رمل مجبولة بدم الضحايا تكون الغبرة هبطت عن دينيكن  حتى تسمعوا العالم قبل ما توقع الكارثة، وتكون الغشاوة يللي على عيونكن طارت مع غبرة الباطون

حتى ……. تشوفوا مصايبنا

Advertisements

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s