كان يا مكان من قديييييييييييييييم الزمان

أنا لبناني و شايف حالي، في شي لبناني مش شايف حالو؟ نحنا لي خترعنا الحرف، نحنا علمنا العالم التجارة، نحنا جبنا أول مطبعة عالشرق ،نحنا كنّا روّاد النهضة العربية، نحنا كنا من واضعي شرعة حقوق الإنسان، نحنا أعظم بلد بالوجود، نحنا أجمل بلد بالعالم كانو يقولو عن لبنان سويسرا الشرق، نحنا اذكى شعب بالعالم ما في شي بيكعا علينا عا أولت يوسف إليئل: ريمون داويخ العالم
كل هول كنّا، يا جماعة  و”كان” فعل ماض ناقص، فعل ماضٍ من 5000 سنة اخترعنا الحرف مظبوط بس اليوم صرنا مناخد مناهجنا الدراسية عن فرنسا و أميركا. مظبوط نحنا علّمنا العالم التجارة بس اليوم علينا خمسين مليار دين و الخير لقدام و اقتصادنا تحت سابع أرض عايشين عل هبات و الإعانات يوم شكراً قطر بكرا شكرا زمبابواي. مظبوط نحنا لي جبنا أوّل مطبعة بس اليوم بطلّ حدا منّا فاضي يقرا كتاب نشرنا النهضة العربية… آم نهضوا هنّي و نحنا أشطنا. مبارح كنّا بالشرق سويسرا جبال و خضار و شط طويل عريض اليوم صرنا مزبلة الشرق مع أنو ما راحو كل الجبال بعد في جبل الكارنتينا و جبل صيدا و الخضار صار كساّرات. منتغنى بحقوق الإنسان الحقوق بعدا و عم تطوّر بس من وين منجيب الإنسان؟ وينك يا شارل مالك تشوف شعب   الحضارة كل ما اجتمعوا تنين الصّباط تالتن. أمّا خصوص الذكا ما فينا ننكر انّا اذكايا بس عأولت زياد الرحباني:”يا ثريا  ابنك  ذكي بس….” لو منعرف نستفيد من هل ذكى  ونوظفو لخدمة بلدنا  الناس وصلوا عل  القمر و دراسات و ابحاث عن كل شاردة و واردة بالهدني و نحنا بعدنا عم نفكر كيف بدنا نعمل أكبر جاط تبّولة  لنفوت بكتاب غينس  إي ولاّ معك حق يا جبران ويل لأمةّ،ويلٌ لأمة فيها شعب متلنا

هيدا لبنان اليوم، بعدنا عايشين ع أمجاد الفينيقيين والأمير فخر الدين و منمشي مناخيرنا بالسما و يا أرض شتدّي ما حدا قدّي. عنجد شي ببكّي من الضحك حلو الواحد يكون متمسّك بتاريخو بس ما ضروري يضل عايش في لأنو بصير من التاريخ وعذكر التاريخ  خدو هالنهفة من قانون الجمعيات بلبنان و سترو ما قريتو منّا: تنص المادة 3 من قانون الجمعيات على ما يلي

لايجوز تأليف جمعيات مستندة على اساس غير مشروع مخالف لأحكام القوانين والآداب العمومية او على قصد الإخلال براحة المملكة وبكمال ملكية الدولة او تغيير شكل الحكومة الحاضرة او تفريق سياسة بين العناصر العثمانية المختلفة وبرفض اعطاء العلم والخبر بها وتحل بمرسوم يصدر في مجلس الوزراء”  إنتهى البيان

Advertisements

2 Comments Add yours

  1. Tarek says:

    Miled, this is amazing…. Except for one problem! Charles Malek was a right-wing fanatic and how on earth he became a model for social and inter-religious tolerance is beyond me! But the rest is great!!!

    1. roy says:

      2eza charle melik ken min wadi3i cher3it 7ou2ou2 l 2ensen heda ma byemna3 anno ykoun mota3asseb la watano w terikho w hawito,w 2eza ken monadeto bel kawmiye l lebneniyeh aw moucherakto bel jabha lebneniye la mouwejahit l sile7 l folastine ta3assob fa ana be3tebera boutoule w wataniye

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s