بالأمليّة، بديّ عذبك ما تصغر

ليش تالواحد يحكي؟ حلو التهذيب، حلو لمّا بدّك تطلب شي من شخص ما يحسّك عم تتأمر عليه و عم تجي من فوق. بس الأحلى أنّو صايرين بهالإيام  إذا بتحكي مع واحد بتهذيب يا بيعتبرك فوفو يا هبيلة. شو بدّو الواحد يحكي ليحكي؟ كل واحد فاتح عَ حسابو ويا أرض اشتدّي ما حدا أدّي. أو لكن عتئت موضة التهذيب؟

مرّة واصل من شغلي الساعة 7:30 الصبح، تلفان شايف الدنيي فرشي، أوّل ما عم تغط عيني بتطلع الصرخة هلأ بيسكت هلأ بيسكت لا تندهي ما في حدا. إمت من التخت فتحت الباب بكل تهذيب يا جار”بالأملية، بدّي عذبك ما تصغر” في مجال بس تتحادثو بعيد عن الشباك بعدني واصل من الشغل بدّي نام؟  الصدمة لمّا تسمع الجواب  “اي و نام بغير أوضة”. يعني ما بعرف ستحيت منوّ زعجتو أتّشطو عن حديثوا

مرّة قاعدين قدّام البيت عم أرغل أنا و شب رفيئي و حظنا بشع… بيتنا طابق أرضي، نحنا و عم نتساير بتجي سيارة بكل رواء وعادي بتصف قدّام البوابة بتنزل منّا آنسة و بتفل. بعيطلة أنا كمان بكل تهذيب “بالأملية، بدّي عذبك ما تصغري” بس سكرتي مدخل البيت و بعدين في ناس بدّا تجي تصف فإذا في مجال تصفي غير مطرح فبكل أنوسة و هضامة و لياءة بتقلّي “هيدي طريق عام مش عاجبك طلوب الدرك”. عنجد ما بعرف أوقات بقول معا حق ما كان صاحب البناية يعمّرا غير مطرح؟ عالم بدّا تصف ديّئ الحي

وين الأحلى ؟ كنت اشتغل بساحة أنطلياس فمرّة واقف شرطي بلدية معتر محترء سلاّفو كل النهار وإذ جايي ب.م بادي وطواط بعكس السير، و قّفو الّشرطي وعم يحكي”بالأملية، بدّي عذبك ما تصغر” بس ما فيك تمرء من هون عكس السير وشو عاد يسكت صاحب ال ب.م “انت عارف حالك مع مين عمتحكي”،”شو اسمك انت” .انّو أولكن مع مين عم يحكي؟ لك ما المكتوب بينقرا من عنوانو ب.م بادي وطوات 1981 يمكن معقول يطلع يالآخرابن شي وزير و مش عارفين؟

أكيد مش كل الناس بلبنان صارت هيك ونسبة كبيرة من العالم بعدا أوادم ومهذّبة ومرباية ، بس الأكيد كمان أنّو عم يكتروا الزعران و في عالم مظبوط طء عندن شلش الحيى، بس بالنهاية كل شخص بيعمل بأصلو ومتل ما بقول  المتل “الإناء ينضح بما فيه”، كرمال هيك “بالأملية، بدّي عذّبكن ما تصغروا” إذا عندكن خبرية بتشبه لحكيتن أو بتندرج بنفس  الخانة  بعتولنا ياها، ناطرينكن

Advertisements

2 Comments Add yours

  1. julianos says:

    hehehehe telit we7de bchoufa kel yom l sobe7 !!!1:D

    1. miroy says:

      hehehe nchallah ma t3oud tchouf wala we7de w bi 7al chefet bel amaliyeh ma tensa tkhabberna

ما تنسى تعلق

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s